ខេត្តសៀមរាប ៖ ម្ចាស់ផ្ទះដាំបាយចង្គ្រានហ្គាសជាប់ដបសាំងមិនប្រយ័ត្ន បណ្តាលឱ្យឆេះផ្ទះអស់២ខ្នង និងអស់ទ្រព្យសម្បត្តិមួយចំនួនហើយរងរបួសស្រាលមនុស្សម្នាក់ផងដែរ ។ ហេតុការណ៍ឆេះផ្ទះខាងលើនេះដែរបានកើតឡើងនៅវេលាម៉ោង០៩និង២០នាទីព្រឹក ថ្ងៃទី១២ ខែវិច្ឆិកា ឆ្នាំ២០២៤…
ខេត្តសៀមរាប ៖ ម្ចាស់ផ្ទះដាំបាយចង្គ្រានហ្គាសជាប់ដបសាំងមិនប្រយ័ត្ន បណ្តាលឱ្យឆេះផ្ទះអស់២ខ្នង និងអស់ទ្រព្យសម្បត្តិមួយចំនួនហើយរងរបួសស្រាលមនុស្សម្នាក់ផងដែរ ។ ហេតុការណ៍ឆេះផ្ទះខាងលើនេះដែរបានកើតឡើងនៅវេលាម៉ោង០៩និង២០នាទីព្រឹក ថ្ងៃទី១២ ខែវិច្ឆិកា ឆ្នាំ២០២៤ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប ។
បើតាមប្រភពពីសមត្ថកិច្ចនគរបាលមូលដ្ឋាន បានប្រាប់នៅថ្ងៃទី១២ ខែវិច្ឆិកានេះថា មានករណីអគ្គិភ័យឆេះផ្ទះប្រជាពលរដ្ឋចំនួន០២ខ្នងផ្ទះជាប់គ្នា ៨x១០ កម្ពស់០៣ ម៉ែត្រ ធ្វើពីឈើប្រកសង្ក័សី ជញ្ជាំងឥដ្ឋ ម្ចាស់ផ្ទះឈ្មោះ រៀល វី ភេទស្រី អាយុ៦៧ឆ្នាំ រស់នៅភូមិ សង្កាត់ គោកចក ក្រុងសៀមរាប ។
ប្រភពបានបញ្ជាក់បន្តថា ករណីអគ្គិភ័យឆេះនោះ ត្រូវបានពន្លត់បានជោគជ័យ នៅវេលាម៉ោង១០និង៤០នាទីថ្ងៃខែឆ្នាំដដែល ដោយប្រើឡានពន្លត់អគ្គិភ័យអស់ចំនួន៤ គ្រឿង(ឡានអប្សារា០១គ្រឿង ឡាននគរបាលបេតិកភណ្ឌ០១ គ្រឿង និងឡានស្នងការខេត្ត០២ គ្រឿង) ។
ចំណែកសម្ភារៈបាត់បង់រួមមាន ៖ ផ្ទះ០២ខ្នង ជាប់គ្នាទំហំ ៨x១០/៣ ឯកសាររដ្ឋបាល(សៀវភៅស្នាក់នៅ សៀវភៅគ្រួសារ សំបុត្រកំណើត អត្តសញ្ញាណបណ្ណឆេះអស់) អ្នករងរបួសស្រាល០១នាក់ ។
ចំពោះមូលហេតុ ៖ ម្ចាស់ផ្ទះដាំបាយនឹងចង្ក្រានហ្គាសនៅក្បែរដបសាំង ប្រហែល០២ម៉ែត្រ បង្កឱ្យមានការផ្ទុះចង្ក្រានហ្គាស ឆេះដបសាំង ឆាបឆេះផ្ទះអស់តែម្ដង ។ បច្ចុប្បន្ន ផ្ទះពលរដ្ឋដែលឆេះចំនួន២ខ្នង ជាប់គ្នា អស់ទ្រព្យសម្បត្តិ នោះ អស់ប្រមាណជិត៥០០០ដុល្លារ សហរដ្ឋអាមេរិក ៕
ចែករំលែកព័តមាននេះ