ខេត្តកំពង់ស្ពឺ ៖ រយៈពេល២ថ្ងៃដែលរដ្ឋបាលខេត្តកំពង់ស្ពឺ បានរៀបចំពិធីប្រណាំងទូក ដើម្បីអបអរព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីបនៅក្នុងខេត្ត ដោយមានអ្នកមកលេងសប្បាយ និងភ្ញៀវទេសចរជាតិ…
ខេត្តកំពង់ស្ពឺ ៖ រយៈពេល២ថ្ងៃដែលរដ្ឋបាលខេត្តកំពង់ស្ពឺ បានរៀបចំពិធីប្រណាំងទូក ដើម្បីអបអរព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីបនៅក្នុងខេត្ត ដោយមានអ្នកមកលេងសប្បាយ និងភ្ញៀវទេសចរជាតិ និងអន្តរជាតិមកទស្សនាសរុបប្រមាណ៨១១,៨២៣នាក់ ។
លោក រស់ សុខ ប្រធានមន្ទីរទេសចរណ៍ខេត្តកំពង់ស្ពឺបាននិយាយឱ្យដឹងថា ព្រះរាជពិធីបុណ្យអំទូកបណ្តែតប្រទីប សំពះព្រះខែ និងអកអំបក ថ្ងៃទី២-៣ខែវិច្ឆិកា ឆ្នាំ២០២៤ នេះ ទទួលបានភ្ញៀវទេសចរណ៍ជាតិ-អន្តរជាតិសរុបប្រមាណចំនួន៨១១,៨២៣នាក់ ប្រៀបធៀបប្រណាំងទូកឆ្នាំ២០២៣ រយ:ពេលពីថ្ងៃដូចគ្នា មានចំនួន៤១៥,៨៦៣នាក់ កើនឡើង៩៥%។
ភ្ញៀវអន្តរជាតិមកដើរលេងទស្សនាកម្សាន្តរយ:ពេលពីរថ្ងៃដូចគ្នាមានចំនួន២,១៣៨នាក់ ប្រៀបធៀបឆ្នាំ២០២៣ មានចំនួន១,៦៨២នាក់ កើនឡើង២៧%។ លោកប្រធានមន្ទីរទេសចរណ៍ខេត្តកំពង់ស្ពឺបានបន្តទៀតថា តម្លៃទំនិញម្ហូប អាហារនិងសេវាស្នាក់នៅតាមតំបន់រមណីយដ្ឋានទេសចរណ៍ សហគមន៍ទេសចរណ៍ ក៏ដូចជាតាមភោជនីយដ្ឋានអាហារដ្ឋាន និងសេវាស្នាក់នៅ ជារួមមានការក្សាតម្លៃផលិតផល ដូចថ្ងៃធម្មតាដែរ។
បញ្ហាសន្តិសុខ សុវត្ថិភាពក្នុង មូលដ្ឋានខេត្តកំពង់ស្ពឺនាឱកាសនៃកម្មវិធីប្រណាំង ទូកថ្នាក់ខេត្ត មានស្ថានភាពល្អប្រសើរ ដោយមានកងកម្លាំងសមត្ថកិច្ច និងគណ:បញ្ជាការឯកភាព ខេត្តបានអនុវត្តការងារ ប្រកបដោយការទទួលខុសត្រូវខ្ពស់៕
ចែករំលែកព័តមាននេះ