ខេត្តតាកែវ ៖ អាជីវកម្មចិញ្ចឹមសត្វត្រចៀក​កាំយកទឹកមាត់លក់ ពេញនិយមជាយូរ​មកហើយនោះ តែពេលនេះកំពុងរងហានិភ័យដោយមិនដឹងមូលហេតុ។

បើតាមម្ចាស់អាជីវកម្មម្នាក់នៅស្រុកព្រៃកប្បាសបានអោយដឹងថា លោកបានចំណាយលុយកសាងផ្ទះត្រចៀក​កាំ១កន្លែងៗមិនក្រោម៣០.០០០ដុល្លារ​នោះទេ ដែលមានទំហំ​១២០ម៉ែត្រការ៉េឡើងទៅ។

លោកបានបញ្ជាក់អោយដឹងទៀតថា ផ្ទះត្រចៀក​កាំរបស់លោក១កន្លែងទទួលបានទឹកមាត់ត្រចៀក​កាំបាន១គីឡូក្រាម ក្នុង១ខែ ហើយក្នុង១គីឡូក្រាម​លក់បាន១០០០ដុល្លារ កាលពីច្រើនឆ្នាំមុន ​។

ម្ចាស់អាជីវកម្មខាងលើបានបញ្ជាក់ថា ក្នុងពេលបច្ចុប្បន្នទឹកមាត់ត្រចៀក​កាំបានធ្លាក់ថ្លៃពី១០០០ដុល្លារ​ មកត្រឹម៤០០ដុល្លារ​ ធ្លាក់ថោកដល់ម្លឹងហើយ បែរ​ជាគ្មានឈ្មួញទិញទៀត។

ម្ចាស់អាជីវកម្មជាច្រើនទៀតក៍និយាយដូចគ្នារឿងមានទឹកមាត់ត្រចៀកកាំហើយ គ្មានអ្នកទិញដោយពឹងផ្អែកលើឈ្មួញនៃប្រទេសចិនជាអ្នកប្រមូលទិញ ក្រៅពីឈ្មួញចិនគឺមិនមានឈ្មួញណាមកប្រមូលទិញឡើយ។

ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕​