ខេត្តស្វាយរៀង ៖ ប្រជាពលរដ្ឋសង្កាត់បាទីបានអំពាវនាវដល់លោកប្រធានមន្ទីរជំនាញ និងអាជ្ញាធរ ជាពិសេស លោកអភិបាលខេត្តស្វាយរៀង មេត្តាផ្តល់ផ្លូវ១ខ្សែប្រវែងជិត២គីឡូម៉ែត្រ ដែលកំពុងស្រុតខូចក្លាយជារណ្តៅជ្រៅៗរអិល ពិបាកក្នុងការធ្វើដំណើរយ៉ាងខ្លាំង ជាពិសេស…
ខេត្តស្វាយរៀង ៖ ប្រជាពលរដ្ឋសង្កាត់បាទីបានអំពាវនាវដល់លោកប្រធានមន្ទីរជំនាញ និងអាជ្ញាធរ ជាពិសេស លោកអភិបាលខេត្តស្វាយរៀង មេត្តាផ្តល់ផ្លូវ១ខ្សែប្រវែងជិត២គីឡូម៉ែត្រ ដែលកំពុងស្រុតខូចក្លាយជារណ្តៅជ្រៅៗរអិល ពិបាកក្នុងការធ្វើដំណើរយ៉ាងខ្លាំង ជាពិសេស ក្នុងរដូវវស្សានេះ ។
ការអំពាវនាវនេះ កើតឡើងនៅព្រឹកថ្ងៃទី២៣ តុលា ២០២៤ ស្ថិតនៅភូមិត្រពាំងផ្លុង សង្កាត់បាទី ក្រុងបាវិត ។ ប្រជាពលរដ្ឋរស់នៅតាមអមបណ្តោយផ្លូវបានលើកឡើងថា ផ្លូវលំ១ខ្សែប្រវែងជិត២គីម៉ែត្រ ទទឹង៦ម៉ែត្រ ត្រូវស្រុតខូចក្លាយជារណ្តៅសំបុកមាន់ របើកដីឥដ្ឋ រអិលពិបាកក្នុងការធ្វើដំណើរយ៉ាងខ្លាំងនៅក្នុងរដូវវស្សានេះ ជាពិសេស បើមានសមជិកគ្រួសារណាមានជំងឺសង្គ្រោះបន្ទាន់ ស្ត្រីឆ្លងទន្លេ ត្រូវទៅមណ្ឌលសុខភាពនៅពេលយប់ គឺកាន់តែពិបាកធ្វើដំណើរយ៉ាងខ្លាំង កូនសិស្សតូចៗធ្វើដំណើរទៅសាលារៀន ពិបាកធ្វើដំណើរខ្លាំងណាស់ ។
ផ្លូវនេះធ្វើដំណើរបានតែតាមម៉ូតូទេ រថយន្តតូចមិនអាចធ្វើដំណើរបានទេ បើរថយន្តមានប៉ុង២លេខកាប់ពីតាស់ ទើបអាចធ្វើចរាចរណ៍បាននិងរថយន្តធុនធំ ។ ប្រភពបន្តថា កម្មករកម្មការនី ទៅធ្វើការរោងចក្រ អ្នកជិះម៉ូតូ ត្រូវជិះវាងទៅឡើងផ្លូវទៅស្រុកចន្ទ្រា ដូច្នេះ ត្រូវជិះវាងជិត១០គីឡូម៉ែត្រទើបមានផ្លូវបត់ទៅសង្កាត់បាទីក្រុងបាវិត។ ហើយផ្លូវដែលស្រុតខូចខ្លាំងជាងគេ គឺផ្លូវក្នុងភូមិត្រពាំងផ្លុង១គីឡូម៉ែត្រ ដល់ផ្លូវក្រាលក្រួសក្រហម ក៏បុន្តែផ្លូវគ្រួសក្រហម១ខ្សែនោះក៏ចាប់ផ្តើមខូចបណ្តើរៗដែរហើយ ។
ប្រជាពលរដ្ឋបានបញ្ជាក់ថា ផ្លូវនេះ គឺចេញពីភូមិត្រពាំងផ្លុង មកជើងគឺឡើងមកផ្លូវជាតិលេខ១ទៅក្រុងបាវិត ហើយបើទៅត្បូងគឺឆ្ពោះទៅសាលាស្រុកចន្ទ្រា ទើបឡើងតាមផ្លូវក្រាលកៅស៊ូត្រឡប់មកសង្កាត់បាទីគឺវាងជិត១០គីឡូម៉ែត្រ។
ហើយផ្លូវ១ខ្សែនេះ ខូច៣-៤ឆ្នាំហើយ ខែប្រាំងហុយដល់ខែវស្សា ស្រុតក្លាយជារណ្តៅរអិល។ ប្រជាពលរដ្ឋសុំសំណូមពរសុំការជួសជុលពីអាជ្ញាធរសង្កាត់ និងក្រុងចេះ តែនិយាយថា ចាំជួសជុលឲ្យ ហើយ១ឆ្នាំហើយ១ឆ្នាំទៀត មិនឃើញជួសជុលឲ្យសោះ ទើបអំពាវនាវដល់លោកអភិបាលខេត្ត មេត្តាចុះមកពិនិត្យនិងដោះស្រាយផង។
ចែករំលែកព័តមាននេះ