ខេត្តពោធិ៍សាត់ ៖ មានករណីផ្ទះធុងហ្គាស នៅកន្លែងបញ្ចូលហ្គាសមួយកន្លែង កាលពីព្រលប់ថ្ងៃទី១៣ ខែតុលា ឆ្នាំ២០២៤នេះ ស្ថិតក្នុងភូមិរ៉ា សង្កាត់ស្វាយអាត់ ក្រុងពោធិ៍សាត់…
ខេត្តពោធិ៍សាត់ ៖ មានករណីផ្ទះធុងហ្គាស នៅកន្លែងបញ្ចូលហ្គាសមួយកន្លែង កាលពីព្រលប់ថ្ងៃទី១៣ ខែតុលា ឆ្នាំ២០២៤នេះ ស្ថិតក្នុងភូមិរ៉ា សង្កាត់ស្វាយអាត់ ក្រុងពោធិ៍សាត់ បណ្ដាលឲ្យឆេះសម្ភារៈក្នុងផ្ទះ តែមិនបណ្តាលឱ្យរងគ្រោះថ្នាក់ដល់អាយុជីវិតមនុស្សនោះទេ ដោយសាររថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត ទៅជួយអន្ដរាគមន៍ទាន់ ។
ក្នុងហេតុការណ៍គ្រោះអគ្គិភ័យនេះ បានប្រើប្រាស់ទឹកអស់ចំនួន០២ស៊ីទែន ហើយគេឃើញវត្តមានរបស់លោក ខូយ រីដា អភិបាល នៃគណៈអភិបាលខេត្តពោធិ៍សាត់ និងជាប្រធានគណៈបញ្ជាការរដ្ឋបាលឯកភាពខេត្ត ចុះទៅដល់ផ្ទាល់នៅកន្លែងកើតហេតុ ហើយបានបញ្ជាជួយអន្តរាគមន៍យ៉ាងញាប់ដៃញាប់ជើងបំផុត ។
ក្នុងនាមគណៈបញ្ជាការឯកភាពរដ្ឋបាលខេត្ត លោកបានកោតសរសើរដោយស្មោះចំពោះកម្លាំងនគរបាលពន្លត់អគ្គិភ័យខេត្ត និងរដ្ឋបាលក្រុង កម្លាំងអាវុធហត្ថខេត្ត ក្នុងការជួយអន្តរាគមន៍ដល់ប្រជាពលរដ្ឋរងគ្រោះ ដោយការផ្ទុះធុងហ្គាសជាច្រើនធុង បណ្តាលអោយឆេះកន្លែងបញ្ចូលហ្គាស បានទាន់ពេលវេលាមិនឆេះរាលបន្តទៅផ្ទះអ្នកជិតខាង។ នេះពិតជាបានយកចិត្តដាក់ក្នុងការអនុវត្តតួនាទីភារកិច្ច ដោយការទទួលខុសត្រូវ ជួយសង្គ្រោះអាយុជីវិតប្រជាពលរដ្ឋ បានយ៉ាងពិតប្រាកដ ៕
ចែករំលែកព័តមាននេះ