ប្រវត្តិសាស្ត្របំបែកកំណត់ត្រាថ្មី ហើយក៏ជាការលើកមុខមាត់កម្ពុជា ក្រោយអត្តពលិក សាលី ហ្វីលីន ដែលជាកីឡាករដ៏លេចធ្លោឈ្នះមេដាយ៦គ្រឿង និងបានលើកបញ្ហាទង់ជាតិកម្ពុជា លើកទឹកដីសហរដ្ឋអាមេរិកយ៉ាងសង្ហាមុតមាំនោះ ។
ជាការពិត អ្វីដែលគួរឲ្យកត់សម្គាល់ គឺកីឡាករ លោក សាលី ហ្វីលីន ឈ្នះមេដាយរហូតដល់៦គ្រឿងម្នាក់ឯង ក្នុងនោះមាន (មាស៤ និងប្រាក់២) ដែលជាការបំបែកកំណត់ត្រាចាស់ខ្លួនលោកផ្ទាល់ពោលកាលពីឆ្នាំមុនលើទឹកដីអាមេរិកជាគ្នានេះ រូបលោកឈ្នះមេដាយ៥គ្រឿងក្នុងព្រឹត្តិការណ៍ប្រណាំងម៉ូតូទឹកពិភពលោកមួយនេះ ។
គួរបញ្ជាក់ដែរថា នៅក្នុងព្រឹត្តិការណ៍ Water Jet World Series 2024 នេះ កម្ពុជាបានដណ្តើមបានមេដាយរហូតដល់១០គ្រឿងដោយដណ្តើមបានមេដាយ (មាស៦ ប្រាក់៣ និងសំរឹទ្ធ១) ដែលធ្វើអោយមុខមាត់កម្ពុជាកាន់តែល្បីសុះសាយនៅលើទីលានប្រយុទ្ធម៉ូតូទឹកពានរង្វាន់ពិភពលោក នៅរដ្ឋអារីហ្សូណាទឹកដីសហរដ្ឋអាមេរិក ។
តាមរយៈបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាព លោក សាលី ហ្វីលីន ដែលជាកីឡាករវ័យក្មេងបានបំបែកកំណត់ត្រាចំពោះខ្លួនលោកលើពាន់រង្វាន់៦គ្រឿងនេះ លោកថា ពិតជារំភើបរីករាយជាខ្លាំងដែលលោកបានឈ្នះ និងបានបង្ហាញទង់ជាតិកម្ពុជានៅលើកទឹកដីសហរដ្ឋអាមេរិក ។
អត្តពលិកលោក សាលី ហ្វីលីនបន្តថា ការប្រកួតម៉ូតូទឹកនេះ គឺមិនងាយស្រួលនោះទេមានគេបុកប៉ះជារឿងធម្មតា ដោយនៅវគ្គមួយនោះ លោកថា ចង់បោះបង់ការប្រកួតព្រោះមានម៉ូតូរបស់កីឡាករមួយទៀតបានបុកចំម៉ូតូទឹករបស់លោកដែលធ្វើអោយលោករបួសជើង តែអ្វីដែលជាសំណាងល្អ គឺអាចបន្តដំណើរទៅមុខទៀត ។
ត្រង់ចំណុចនេះ សបញ្ជាក់អោយឃើញថា អត្តពលិកកម្ពុជាមិនមែនគ្រាន់តែទៅប្រកួតតែមួយមុខនោះទេ គឺប្រកួតដើម្បីមិត្តភាពជ័យជំនះ ការតស៊ូលះលង់សាច់ឈាមក្នុងការប្រកួត ដើម្បីទទួលមេដាយ និងមុខបង្ហាញមុខមាត់កម្ពុជានៅលើឆាកអន្តរជាតិ ។ គិតថ្ងៃទី១២ ខែតុលា ឆ្នាំ២០២៤ អត្តពលិកកម្ពុជា ទាំង៥រូប ដែលកម្ពុជាបានបញ្ចូនទៅប្រកួត គឺដណ្តើមបានមេដាយ១០គ្រឿង ជូនជាតិមាតុភូមិ ក្នុងនោះកីឡាករសាលី ហ្វីលីន ទទួលបានមេដាយដល់ទៅ៦គ្រឿង ដែលជាការបំបែកកំណត់ចំពោះខ្លួនលោកផ្ទាល់ដែលឈ្នះការពីកន្លងទៅ។
ជាចុងក្រោយ កីឡាករ សាលី ហ្វីលីន សូមអរគុណទៅដល់ពុកម៉ែបងប្អូនតែងតែនៅក្បែរលោកចាំគាំទ្រលោកគ្រប់ពេលវេលា លោកសង្ឃឹមថាបើមានការប្រកួតនៅថ្ងៃខាងមុខតទៅទៀត នោះរូបលោកនឹងប្រឹងប្រែងឲ្យអស់ពីសមត្ថភាព ដើម្បីមុខម៉ាតប្រទេសជាតិ ៕ ដោយ ៖ លីហួ គីមឆាយ
ចែករំលែកព័តមាននេះ