ខ្ញីចាស់កាន់តែហឹរ ចាស់ណាមិនដឹងទេ តែចាស់នេះចាស់តាន់ ចាស់មានកម្លាំងបកស្រាយចម្រៀងយ៉ាងពីរោះ រហូតមហាជនអោយមេដៃគ្រប់ៗគ្នាទៅលើការបកស្រាយចម្រៀងមរតកដើមមួយបទនេះ ។
ជាការពិត ថ្មីៗនេះលោកយាយមួយរូប សុំគេបកស្រាយចម្រៀងមួយបទក្រោមចំណងជើងថា «យប់នេះហេតុអ្វីបានជាខ្ញុំព្រួយ» ដែលជាសំនៀងដើមរបស់ លោកស្រី តារា ចោមច័ន្ទ ជាបទមួយដែលទទួលបានការគាំទ្រខ្លាំងកាលពីពេលកន្លងទៅ ។
ជាមួយគ្នានេះដែរ បើងាកមកការបកស្រាយចម្រៀងរបស់លោកយាយនេះវិញ ពិតជាពីរោះរណ្តំរហូតមិនចាញ់ម្ចាស់ដើមនោះឡើយ ពោលទោះបីជាលោកយាយវ័យចំណាស់ក៏ដោយនោះ ។
តើលោកអ្នកយល់យ៉ាងណាដែរ0x017d7 អោយប៉ុន្មានពិន្ទុ ចំពោះការបកស្រាយ បទចម្រៀងមរតកដើមនេះ ។ តាមរយៈការបង្ហោះរបស់គណនី Tik Tok មួយឈ្មោះ រ៉ាស៊ី ជាភាសាអង់គ្លេស ដោយលោកបានបង្ហោះវីដេអូសក្មភាពលោកយាយបកស្រាយចម្រៀងថា«យប់នេះហេតុអ្វីខ្ញុំព្រួយ បកស្រាយដោយម៉ាក់យាយ»។
នៅក្នុងការបង្ហោះនោះដែរថា ឃើញថា ត្រឹមតែរយៈពេល៦ម៉ោងប៉ុណ្ណោះមានអ្នកចូលទស្សនាជាង១៦០ពាន់នាក់ ដោយកោតសរសើរនឹងសំឡេងរបស់លោកយាយដែលបកស្រាយទៅបានយ៉ាងពីរោះរណ្តំនោះ ។
អ្នកប្រើប្រាស់បណ្តាញសង្គម Tik Tok បានចូលទៅខមិនថា«សំនៀងដើមរបស់លោកយាយ តារា ចោមច័ន្ទ ពេលនេះបកស្រាយដោយម៉ាក់យាយ ម៉ាក់យាយច្រៀងបានពិរោះណាស់បាទ» ។ ហើយមហាជនខ្លះទៀតលើកឡើងថា «ម៉ាក់យាយចាស់ហើយ នៅមានសំឡេងពិរោះទៀតគួរឲ្យសរសើរ» ។
មហាជនខ្លះទៀតថា « ម៉ាក់យាយសំឡេងនៅតែល្អ ទាំងដង្ហើម ទាំងអឺននៅអែម» និងមហាជនខ្លះទៀតថា «សូមសរសើរម៉ាក់យាយចេះច្រៀង ហើយពិរោះទៀត ខ្ញុំមិនចេះច្រៀងទេ» ។
គួរបញ្ជាក់ដែរថា កាលពីកន្លងទៅប្រមាណជា៥ឆ្នាំមុនលោកយាយរូបនេះធ្វើការបកស្រាយបទមួយនេះផ្ទុះម្តងរួចហើយ តាមរយៈអកកេះអកកាដង់ ថ្មីៗនេះលោកយាយនៅតែមានកម្លាំងបកស្រាយជាថ្មីម្តងទៀតក៏ផ្ទុះការគាំទ្រ ព្រោះសំឡេងលោកយាយមានទឹកដម ស្រួយស្រេះតារាចម្រៀងល្មមៗសុំខ្មាសលោកយាយហើយនោះ ។ តើបងប្អូនយល់យ៉ាងណាដែរ ចំពោះសំឡេងរបស់លោកយាយ អាចទេនេះសំឡេងក្នុងដួងចិត្តរបស់បងប្អូនអ្នកស្តាប់ដូចគ្នា? ៕ ដោយ៖លីហួ គីមឆាយ
ចែករំលែកព័តមាននេះ