ប្លែកពីអ្នកសិល្បៈឯទៀត តារាចម្រៀងនាង សុភ័ក្រ កុសុម៉ា និងគូស្នេហ៍ បានធ្វើការតុបតែងខ្លួនជាតួអង្គល្ខោនបាសាក់ និងតួយក្សសម្រាប់រូបភាពមុនអាពាហ៍ពិពាហ៍ (Pre-wedding) ថតនៅក្នុងបរិវេណប្រាសាទបុរាណខ្មែរ ។
ដ្បិតរូបភាពទាំងអស់នោះមើលទៅប្លែក និងរៀងអស់សំណើចបន្តិចមែន ប៉ុន្តែរូបភាពរបស់ពួកគេទាំងនោះបានបង្កប់នូវអត្ថន័យ ជាមួយនឹងការចូលរួមលើកស្ទួយដល់វិស័យសិល្បះល្ខោនបាសាក់ផងដែរ ។ សុភ័ក្រ កុសុម៉ា បានបង្ហោះរូបភាពខាងលើ តាមបណ្តាញសង្គមកាលពីពេលថ្មីៗដោយភ្ជាប់ជាមួយនឹងសំណេរយ៉ាងខ្លីថា ណាថាយក្សកាច យក្សក៏ចេះស្វីតដែរ ក្នុងពេលដែលតារាស្រីរូបនេះក៏បានបញ្ជាក់បន្ថែមតាមរយៈខំមិនពីក្រោមថា រយៈពេល២ឆ្នាំ ដែលយើងទាំងពីររង់ចាំគ្រងឈុតល្ខោនបាសាក់ក្នុងថ្ងៃថត Pre-wedding របស់យើង ។
យ៉ាងណា បើទោះបីជារូបភាព Pre-wedding របស់ សុភ័ក្រ កុសុម៉ា និងគូស្នេហ៍នាពេលនេះមើលទៅខុសប្លែកពីគេមែន រូបភាពទាំងអស់នោះក៏ទទួលបានការសសើរផងដែរពីមហាជន ជាពិសេសបណ្តាអ្នកគាំទ្រ ក្នុងពេលដែលពួកគេចាត់ទុកសកម្មភាពរបស់តារាស្រីរូបនេះគឺកំប្លែងបែបសិល្បះខ្មែរ ។
តារាចម្រៀងនាង សុភ័ក្រ កុសុម៉ា បានស្វែងរកគូស្នេហ៍ នឹងត្រៀមដឹកដៃគ្នាចូលរោងការនាពេលខាងមុខ ក្នុងពេលដែលដំណឹងមួយនេះបានធ្វើអោយមិត្តភក្តិក្នុងសិល្បះ និងប្រិយមិត្តគាំទ្របានចូលរួមសម្តែងការអបអរសាទរចំពោះរូបនាង ។
មហាជន ជាពិសេស បណ្តាអ្នកលេងបណ្តាញសង្គមបានសម្តែងការភ្ញាក់ផ្អើល ក្នុងពេលដែលគេបានឃើញ សុភ័ក្រ កុសម៉ា បានបញ្ចេញនូវវីដេអូបបង្ហោះតាមបណ្តាញសង្គមបង្ហាញពីសកម្មភាពគូស្នេហ៍របស់នាងបានរៀបចំកម្មវិធីបែបពន្ញាក់អារម្មណ៍ សុំនាងរៀបការ ។ តាមរយៈវីដេអូនោះ
សុភ័ក្រ កុសម៉ា បានសម្តែងការភ្ញាក់ផ្អើល និងរំភើបរហូតហូរទឹកភ្នែក ក្នុងពេលដែលឃើញគូស្នេហ៍របស់នាងរៀបចំពិធីមួយនេះ និងបានលត់ជង្គង់សុំនាងរៀបការនៅមុខមិត្តភក្រ័ជាច្រើនរបស់នាង ជាពិសេសនោះក៏មានវត្តមានម្តាយរបស់នាងផងដែរ ។
វីដេអូមួយនេះ បានធ្វើអោយមហាជនមើលហើយរំភើប និងបានចូលរួមសម្តែងការអបអរសាទរចំពោះតារាស្រីរូបនេះដែលបានរកឃើញគូស្នេហ៍ពិតប្រាកដ ខណះពេលកន្លងមកនាងហាក់មិនដែលបង្ហាញពីទំនាក់ទំនងស្នេហ៍ជាមួយបុរសណាម្នាក់នោះឡើយ ។ ជាមួយនឹងការបង្ហោះរយះវីដេអូនេះដែរ សុភ័ក្រ កុសម៉ា ក៏បានភ្ជាប់ជាមួយនឹងសំណេរថា សុំទោសផង Fan អាយដលសុំមានប្តីមុនហើយណា៎ ។ នាងបញ្ជាក់ថា ២០១៧ បងមកសុំអាយដលថត ២០២៤បងមកម្តងទៀត តែមកសុំអាយដលរៀបការ ៕
ចែករំលែកព័តមាននេះ