រាជធានីភ្នំពេញ ៖ បុរសម្នាក់ខណៈពេលជិះម៉ូតូ១គ្រឿងក្នុងល្បឿនយ៉ាងលឿនឡើងទួលគេចាក់កាត់ទទឹងផ្លូវដើម្បីការពារកុំអោយអ្នកបើករថយន្តនិងម៉ូតូបើកលឿន បណ្តាលអោយដួលហោះទៅមុខអូសជាច្រើនម៉ែត្រចេញអណ្តាតភ្លើង ស្របពេលម៉ូតូហៀរសាំង បណ្តាលឱ្យឆាបឆេះម៉ូតូត្រូវបានប្រជាពលរដ្ឋជួយយកបំពង់ពន្លត់អគ្គីភ័យមកជួយបាញ់ពន្លត់ដែរ តែមិនរលត់ត្រូវបានភ្លើងឆាបឆេះយ៉ាងសន្ធោសន្ធៅខ្ទេចអស់ទាំងស្រុង ។ ចំណែកឯអ្នកជិះរងរបួសស្រាល។
ហេតុការណ៍ខាងលើនោះបានកើតឡើងកាលពីវេលាម៉ោង៧និង៣៥នាទីយប់ថ្ងៃទី ២៩ ខែកញ្ញា ឆ្នាំ ២០២៤ ស្ថិតតាមបណ្តោយផ្លូវបេតុងអមផ្លូវជាតិលេ៤ នៅត្រង់ចំណុចមុខអនុវិទ្យាល័យហ៊ុនសែន ជម្ពូវ័ន្ត ក្បែរស្ពានអាកាសថ្មើជើង ក្នុងភូមិជម្ពូវ័ន្ត១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើកតាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញបុរសម្នាក់ជិះម៉ូតូ១គ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០១៥ ពណ៍ខ្មៅ តាមបណ្តោយផ្លូវបេតុងអមផ្លូវជាតិលេខ៤ក្នុងទិសដៅពីកើតទៅលិចក្នុងល្បឿនយ៉ាងលឿន ។ លុះខណៈពេលទៅដល់ត្រង់ចំណុចកើតហេតុបានបុកឡើងទួលគេចាក់កាត់ទទឹងផ្លូវដើម្បីការពារកុំអោយអ្នកបើករថយន្តនិងម៉ូតូបើកលឿន បណ្តាលអោយដួលហោះទៅមុខអូសជាច្រើនម៉ែត្រចេញអណ្តាតភ្លើងហៀរសាំងឆាបឆេះម៉ូតូ ត្រូវបានប្រជាពលរដ្ឋជួយយកបំពុងពន្លត់អគ្គីភ័យមកជួយបាញ់ពន្លត់ដែរតែមិនរលត់ត្រូវបានភ្លើងឆាបឆេះយ៉ាងសន្ធោន្ធៅខ្ទិចអស់ទាំងស្រុង។ចំណែកឯអ្នកជិះរងរបួសស្រាល។
តាមប្រភពបានបន្តទៀតថា ក្រោយកើតហេតុម្នាស់ម៉ូតូបានហៅម៉ូតូសណ្តោងរ៉ឺម៉កមកដឹកយកទៅជួសជុលដោយខ្លួនឯង៕
ចែករំលែកព័តមាននេះ