ឆាយន្នីសតៃប៉ិ ៖ ក្រុមបាល់ទាត់ជម្រើសជាតិកម្ពុជាអាយុក្រោម២០ឆ្នាំ (U20) បានចាញ់ក្នុងជំនួបទី២ វគ្គសន្សំពិន្ទុពូល B ទល់នឹងក្រុមជម្រើសជាតិអ៊ូបេគីស្ថានអាយុក្រោម២០ឆ្នាំ សម្រាប់ការប្រកួតវគ្គជម្រុះពានរង្វាន់ជើងឯកទ្វីបអាស៊ី AFC…
ឆាយន្នីសតៃប៉ិ ៖ ក្រុមបាល់ទាត់ជម្រើសជាតិកម្ពុជាអាយុក្រោម២០ឆ្នាំ (U20) បានចាញ់ក្នុងជំនួបទី២ វគ្គសន្សំពិន្ទុពូល B ទល់នឹងក្រុមជម្រើសជាតិអ៊ូបេគីស្ថានអាយុក្រោម២០ឆ្នាំ សម្រាប់ការប្រកួតវគ្គជម្រុះពានរង្វាន់ជើងឯកទ្វីបអាស៊ី AFC U20 Asian Cup 2025 នៅឆាយន្នីសតៃប៉ិ ដែលធ្វើឡើងនៅក្នុងកីឡដ្ឋាន Fu Jen Catholic University ដែលបញ្ចប់នៅមុននេះបន្តិច។
ដូច្នេះឆ្លងកាត់២ប្រកួតកន្លងមក កម្ពុជាឈ្នះ១ និងចាញ់១ មាន៣ពិន្ទុ ឈរលេខ៣ពូល B បណ្តោះអាសន្ន ដោយឈ្នះនេប៉ាល់ក្នុងលទ្ធផល ៤-១ កាលពីថ្ងៃទី២១ ខែកញ្ញា មុនចាញ់ក្រុមការពារតំណែងជើងឯកអ៊ូសបេគីស្ថានលទ្ធផល ៧-០ នៅមុននេះបន្តិច។
ជំនួបទី៣ លោក Koji Gyotoku គ្រូបង្វឹកជនជាតិជប៉ុន នឹងត្រូវដឹកនាំគោព្រៃជំទង់កម្ពុជាប្រកួតទល់នឹងបារ៉ែន នៅថ្ងៃទី២៥ កញ្ញា វេលាម៉ោង ៣ រសៀល ម៉ោងនៅកម្ពុជា។ ដ្បិតនៅក្នុងពូល B រួមមាន ៖ កម្ពុជា អ៊ូសបេគីស្ថាន បារ៉ែន ម្ចាស់ផ្ទះឆាយន្នីសតៃប៉ិ និងនេប៉ាល់៕ (រូបភាព ៖ សហព័ន្ធកីឡាបាល់ទាត់កម្ពុជា)
ចែករំលែកព័តមាននេះ