នាយករដ្ឋមន្ត្រីកម្ពុជា ៖ រដ្ឋមិនដែលអង្គុយឱបដៃមើលពលរដ្ឋរងគ្រោះឡើយ
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានគូសបញ្ជាក់ថា ប្រទេសកម្ពុជា មិនមែនជាប្រទេសអ្នកនោះទេ…
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានគូសបញ្ជាក់ថា ប្រទេសកម្ពុជា មិនមែនជាប្រទេសអ្នកនោះទេ ប៉ុន្ដែរាជរដ្ឋាភិបាល មិនអង្គុយឱបដៃ មើលប្រជាពលរដ្ឋរបស់ខ្លួនរងគ្រោះឡើយ ។
ថ្លែងក្នុងពិធីបិទវេទិកាស្រូវអង្ករកម្ពុជា លើកទី៧ ឆ្នាំ២០២៤ នារសៀលថ្ងៃទី១០ ខែកញ្ញា ឆ្នាំ២០២៤ សម្ដេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាល ដាក់ចេញនូវគោលការណ៍បន្ធូបន្ថយពន្ធ អនុគ្រោះពន្ធ មិនយកពន្ធ និងគោលការណ៍មួយចំនួនទៀត ពាក់ព័ន្ធទៅនឹងពន្ធ ។
សម្ដេចធិបតីនាយករដ្ឋមន្ត្រី បានបន្ដថា ការដាក់ចេញនូវគោលការណ៍នេះ គឺក្នុងគោលដៅ ដើម្បីជួយដល់ប្រជាពលរដ្ឋ និងអ្នករកស៊ី ក្នុងស្ថានភាពសេដ្ឋកិច្ចមិនទាន់អំណោយផលល្អទាំងស្រុង ដោយរាជរដ្ឋាភិបាលសុខចិត្តប្រមូលពន្ធបានតិច ប៉ុន្តែបានជួយប្រជាពលរដ្ឋ ។
ជាមួយគ្នានោះដែរ សម្ដេចធិបតី លើកឡើងដូច្នេះថា ៖ «ប្រទេសកម្ពុជា មិនមែនប្រទេសអ្នកមានទេ ប៉ុន្តែយើងក៏មិនអង្គុយឱបដៃឱ្យប្រជាជនដែលកុនការលំបាកនោះទេ» ។
សម្ដេចនាយករដ្ឋមន្ដ្រី ក៏បានឱ្យដឹងទៀតថា នៅអាណត្តិទី៧នេះ ក្នុងវិស័យកសិកម្ម រាជរដ្ឋាភិបាល បានកំណត់ចេញ នូវអាទិភាព ចំនួន ៣ដូចជា ៖
ទី១-ការលើកស្ទួយផលិតកម្ម កសិកម្មរកទីផ្សារលំនឹងថ្លៃផលិតផល និងតាមរយៈកម្មវិធីហិរញ្ញប្បទាន។
ទី២-ការដាក់ពង្រាយមន្ត្រីកសិកម្មនៅតាមឃុំសង្កាត់។
និងទី៣-ការអនុវត្តសហគមន៍កសិកម្មទំនើប ៕
ចែករំលែកព័តមាននេះ