ខេត្តបន្ទាយមានជ័យ ៖ បុរសម្នាក់បានស្លាប់ភ្លាមៗ បន្ទាប់ពីជិះម៉ូតូធ្លាក់ពីលើផ្លូវចូលទឹកប្រឡាយ ។ ហេតុការណ៍គ្រោះថ្នាក់ចរាចរណ៍បង្កដោយខ្លួនឯងនេះបានកើតឡើងនៅវេលាម៉ោង៧និង៣៥នាទីយប់ថ្ងៃទី១៤ ខែសីហា ឆ្នាំ២០២៤ នៅចំណុចប្រឡាយទឹកក្បែរផ្លូវលំបំបែកជា៣ ស្ថិតក្នុងភូមិយាងដង្គុំទៅឃុំសឹង្ហ…
ខេត្តបន្ទាយមានជ័យ ៖ បុរសម្នាក់បានស្លាប់ភ្លាមៗ បន្ទាប់ពីជិះម៉ូតូធ្លាក់ពីលើផ្លូវចូលទឹកប្រឡាយ ។
ហេតុការណ៍គ្រោះថ្នាក់ចរាចរណ៍បង្កដោយខ្លួនឯងនេះបានកើតឡើងនៅវេលាម៉ោង៧និង៣៥នាទីយប់ថ្ងៃទី១៤ ខែសីហា ឆ្នាំ២០២៤ នៅចំណុចប្រឡាយទឹកក្បែរផ្លូវលំបំបែកជា៣ ស្ថិតក្នុងភូមិយាងដង្គុំទៅឃុំសឹង្ហ ក្នុងភូមិយាងដង្គុំ ឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ ។
នគរបាលស្រុកអូរជ្រៅបានឲ្យដឹងថា ជនរងគ្រោះឈ្មោះ ងៀម ភៀន ភេទប្រុស អាយុ៥៨ឆ្នាំ មានលំនៅភូមិឈូក ឃុំចង្ហា ស្រុកអូរជ្រៅ ខេត្តបន្ទាយមានជ័យ ជិៈម៉ូតូម៉ាកហុងដាដ្រីម ពាក់ស្លាកលេខ ប.ជ1D_2255 ។
នគរបាលបញ្ជាក់ថា បន្ទាប់ពីទទួលបានព័ត៍មានពីប្រជាពលរដ្ឋភូមិយាងដង្គុំបានរាយការណ៍ថា មានគ្រោះថ្នាក់ចរាចរណ៍ជិះម៉ូតូធ្លាក់ពីផ្លូវដោយខ្លួនឯងចូលក្នុងប្រឡាយទឹកក្បែរផ្លូវ បណ្តាលឱ្យស្លាប់ ត្រង់ចំណុចផ្លូវលំបំបែកជាបីពីភូមិយាងដង្គុំទៅឃុំសឹង្ហក្នុងភូមិយាងដង្គុំ ឃុំអូរបីជាន់ ។ ពេលនោះកម្លាំងសមត្ថិច្ចបានចុះទៅដល់កន្លែងកើតហេតុទើបស្គាល់ឈ្មោះជនរងគ្រោះ និងបានប្រគល់សពជនរងគ្រោះនិងម៉ូតូទៅឈ្មោះងៀម ភួន ភេទប្រុស អាយុ៦១ឆ្នាំ ត្រូវជាបងប្រុសបង្កើតរបស់ជនរងគ្រោះ មានទីលំនៅភូមិជាមួយគ្នា យកទៅធ្វើបុណ្យតាមប្រពៃណី ៕
ចែករំលែកព័តមាននេះ