ខេត្តព្រះសីហនុ ៖ មានការភ្ញាក់ផ្អើលមួយបានកើតឡើង ខណៈមានជនមួយក្រុមបានធ្វើសកម្មភាពចាប់មនុស្សស្រី២នាក់រុញចូលរថយន្ត កាលពីវេលាម៉ោងប្រហែល០០និង៣០នាទីរំលងអធ្រាត្រឈានចូលថ្ងៃទី៦ ខែសីហា ឆ្នាំ២០២៤ នៅម្តុំស្តុបផ្សារពាណិជ្ជកម្ម មុខអាហារដ្ឋាន«តុងប៉ីហ្សាវខាវ» ស្ថិតក្នុងភូមិ២…
ខេត្តព្រះសីហនុ ៖ មានការភ្ញាក់ផ្អើលមួយបានកើតឡើង ខណៈមានជនមួយក្រុមបានធ្វើសកម្មភាពចាប់មនុស្សស្រី២នាក់រុញចូលរថយន្ត កាលពីវេលាម៉ោងប្រហែល០០និង៣០នាទីរំលងអធ្រាត្រឈានចូលថ្ងៃទី៦ ខែសីហា ឆ្នាំ២០២៤ នៅម្តុំស្តុបផ្សារពាណិជ្ជកម្ម មុខអាហារដ្ឋាន«តុង
ប៉ីហ្សាវខាវ» ស្ថិតក្នុងភូមិ២ សង្កាត់លេខ២ ក្រុងព្រះសីហនុ ។
ក្រោយពីមានហេតុការណ៍នេះកើតឡើង លោកឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្ត បានបញ្ជាឱ្យកម្លាំងជំនាញ ដឹកនាំដោយលោកឧត្តមសេនីយ៍ត្រី ណុប បញ្ញា ស្នងការរងទទួលផែនការងារព្រហ្មទណ្ឌ ធ្វើការស្រាវជ្រាវជាបន្ទាន់ ។
លុះរហូតដល់ម៉ោង ប្រហែល២កន្លះរសៀលថ្ងៃទី៦ ខែសីហា ក៏ឈានដល់ការឃាត់ខ្លួនជនសង្ស័យសរុបចំនួន៨នាក់ ក្នុងនោះជនជាតិចិន៦នាក់ និងខ្មែរ២នាក់ ព្រមទាំងរំដោះជនរងគ្រោះបានចំនួន២នាក់គឺ ស្ត្រីខ្មែរម្នាក់ និងជនជាតិចិនម្នាក់ ។
សូមបញ្ជាក់ថា ករណីខាងលើ កម្លាំងស្នងការដ្ឋាននគរបាលខេត្ត ដកហូតបានកាំភ្លើងខ្លី២ដើម ខ្នោះដៃ២គូ និងវត្ថុតាងមួយចំនួនទៀតហើយបច្ចុប្បន្នកម្លាំងសមត្ថកិច្ចកំពុងស្រាវជ្រាវបន្ត ដើម្បីកសាងសំណុំរឿងបញ្ជូនទៅសាលាដំបូង ។ ទោះបីជាបែបណា មូលហេតុដែលមានការចាប់មនុស្សរុញបញ្ចូលរថយន្តទាំងបង្ខំនេះមិនត្រូវបានដឹងថា កើតឡើងដោយសារមូលហេតុអ្វីនៅឡើយទេ ហាក់ដូចកំពុងស្ថិតក្នុងភាពអាថ៌កំបាំង ។
មានការកត់សម្គាល់ផងដែរថា ករណីមួយនេះ ខុសពីករណីមុនៗ ដែលច្រើនតែបង្កឡើងដោយ
ជនជាតិចិនដូចគ្នា តែលើកនេះទាំងក្រុមជន សង្ស័យនិងអ្នករងគ្រោះ មានលាយជាមួយខ្មែរចូលរួមផងដែរ ៕
ចែករំលែកព័តមាននេះ