ខេត្តព្រៃវែង ៖ ថ្លែងនៅក្នុងពិធី ប្រកាសចូលកាន់តំណែងអភិបាលស្រុកពាមរក៍ ដែលធ្វើឡើងកាលពីព្រឹកថ្ងៃទី២៩ ខែកក្កដា ឆ្នាំ២០២៤នេះ នៅសាលាស្រុកពាមរក៍ លោក សួន…
ខេត្តព្រៃវែង ៖ ថ្លែងនៅក្នុងពិធី ប្រកាសចូលកាន់តំណែងអភិបាលស្រុកពាមរក៍ ដែលធ្វើឡើងកាលពីព្រឹកថ្ងៃទី២៩ ខែកក្កដា ឆ្នាំ២០២៤នេះ នៅសាលាស្រុកពាមរក៍ លោក សួន សុម៉ាលីន អភិបាលខេត្តព្រៃវែង បានជំរុញឲ្យលោក កែវ ពិសី អភិបាលស្រុកឡើងកាន់តំណែងថ្មី ត្រូវខិតខំកសាងសមិទ្ធផលថ្មី ឲ្យបានច្រើន ដើម្បីឆ្លើយតបទៅនឹងសេចក្តីត្រូវការរបស់ប្រជាពលរដ្ឋ ។
ឆ្លើយតបទៅនឹងការលើកឡើងរបស់លោកអភិបាលខេត្ត លោក កែវ ពិសី ដែលត្រូវបានតែងតាំងជាអភិបាលស្រុកពាមរដ្ឋថ្មី ជំនួសលោកស្រី សេង ទៀង ដែលត្រូវផ្ទេរភារកិច្ចទៅជាអភិបាលរងខេត្តព្រៃវែង លោកបានអះអាងថា លោកនឹងខិតខំឲ្យអស់ពីលទ្ធភាព ក្នុងការបំពេញតួនាទីភារកិច្ចរបស់ខ្លួន ពិសេសក្នុងការងារបម្រើសេវាសាធារណៈ ជូនដល់ប្រជាពលរដ្ឋ ហើយលោកនឹងខិតខំកសាង នូវសមិទ្ធផលថ្មីៗ ក្នុងស្រុកឲ្យបានច្រើនថែមទៀត ។
ជាមួយគ្នានោះដែរ ប្រជាពលរដ្ឋនៅក្នុងទីប្រជុំជនអ្នកលឿង បានលើកឡើងថា កាលពីចុងឆ្នាំ២០២៣ លោកស្រីអភិបាលស្រុកពាមរក៍ បានសន្យាជា មួយប្រជាពលរដ្ឋថា នឹងជួយដាក់អំពូលភ្លើងបំភ្លឺផ្លូវ ចាប់ពីលើស្ពានត្សឹបាសា រហូតមកដល់រង្វង់មូលត្រីកោណទីប្រជុំជនអ្នកលឿង ប៉ុន្តែពេលវេលាបានកន្លងផុតទៅ ជាងកន្លះឆ្នាំទៅហើយ អំពូលភ្លើងនៅមិនទាន់មានរូបរាងនៅឡើយទេ ។
ដូច្នេះប្រជាពលរដ្ឋសង្ឃឹមថា លោក កែវ ពិសីអភិបាលស្រុកថ្មី ដែលទើបឡើងកាន់តំណែង និងជួយដាក់បង្គោលភ្លើងបំភ្លឺផ្លូវ ជូនប្រជាពលរដ្ឋឲ្យបានពិតប្រាកដ កុំទុកឱ្យប្រជាពលរដ្ឋមានការភ័យខ្លាច ពេលធ្វើដំណើរយប់ព្រលប់ម្តងៗ ៕
ចែករំលែកព័តមាននេះ