រាជធានីភ្នំពេញ ៖ បុរសម្នាក់ដែលគេស្គាល់ថា ជាមន្ត្រីផ្កាយ៣ម្នាក់សង្ស័យស្រវឹងបានបើករថយន្តស៊េរីទំនើបម៉ាកឡង់គ្រីស័រ ជ្រុលទៅបុកម៉ូតូហុងដាឌ្រីម ដែលឈប់រង់ចាំស្តុបពីក្រោយ រួចកិនពីលើ បណ្តាលឲ្យបុរសជាម្ចាស់ម៉ូតូរងរបួសស្រាល បង្កការភ្ញាក់ផ្អើល កាលពីវេលាម៉ោង១០និង៣០នាទីយប់…
រាជធានីភ្នំពេញ ៖ បុរសម្នាក់ដែលគេស្គាល់ថា ជាមន្ត្រីផ្កាយ៣ម្នាក់សង្ស័យស្រវឹងបានបើករថយន្តស៊េរីទំនើបម៉ាកឡង់គ្រីស័រ ជ្រុលទៅបុកម៉ូតូហុងដាឌ្រីម ដែលឈប់រង់ចាំស្តុបពីក្រោយ រួចកិនពីលើ បណ្តាលឲ្យបុរសជាម្ចាស់ម៉ូតូរងរបួសស្រាល បង្កការភ្ញាក់ផ្អើល កាលពីវេលាម៉ោង១០និង៣០នាទីយប់ ថ្ងៃទី០៥ ខែកក្កដានេះ នៅចំណុចស្តុបផ្សារទឹកថ្លា តាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ប្រភពពីកន្លែងកើតហេតុ បានឲ្យដឹងថា មុនពេលកើតហេតុគេឃើញម៉ូតូ ម៉ាកហុងដាឌ្រីម ពណ៌ខ្មៅ ពាក់ផ្លាកលេខភ្នំពេញ 1GU-0784 ជិះដោយបុរសរងគ្រោះម្នាក់ធ្វើដំណើរតាមបណ្ដោយផ្លូវសហព័ន្ធរុស្ស៊ី ក្នុងទិសដៅពីកើតទៅលិច ខណៈពេលជិះមកដល់ចំណុចកើតហេតុ ក៏បានឈប់រង់ចាំស្តុប ពេលនោះដែរស្រាប់តែគេឃើញមានរថយន្តបង្កស៊េរីទំនើបម៉ាកឡង់គ្រីស័រ ពណ៌ស្ករ ពាក់ផ្លាកលេខភ្នំពេញ 2BF-1073 បើកបរដោយបុរសម្នាក់ដែលគេស្គាល់ថា ជាមន្ត្រីផ្កាយ៣ម្នាក់ សង្ស័យស្រវឹងបានជាន់ហ្គែរជ្រុល ទៅបុកម៉ូតូពីក្រោយពេញទំហឹង រួចកិនពីលើម៉ូតូ បណ្ដាលឲ្យបុរសម្នាក់ជាម្ចាស់ម៉ូតូរងរបួសស្រាល ភ្លាមៗនោះដែរ ពលរដ្ឋក៏បាននាំគ្នាឃាត់ម្ចាស់រថយន្តបង្ក ហើយទាក់ទងទៅសមត្ថកិច្ចមូលដ្ឋានឲ្យចុះមកទីតាំងកើតហេតុភ្លាមៗផងដែរ ។
ក្រោយពីសមត្ថកិច្ចមូលដ្ឋានចុះមកដល់ ក៏បានឲ្យភាគីសងខាងសម្របសម្រួលគ្នា ក្រោយពីសម្រួលគ្នា រួចភាគីម្ចាស់រថយន្តបង្ក ព្រមសងជាសំណងក្នុងការជួសជុលទៅលើម្ចាស់ម៉ូតូបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ