ខេត្តស្វាយរៀង ៖ លោកបណ្ឌិត កែ មុន្នីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ដឹកនាំមន្ត្រីជំនាញបន្តចុះពិនិត្យស្ថានភាពនៃការផ្ទុះរាលដាលរុយសរ និងដង្កូវមូស្លឹក…
ខេត្តស្វាយរៀង ៖ លោកបណ្ឌិត កែ មុន្នីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ដឹកនាំមន្ត្រីជំនាញបន្តចុះពិនិត្យស្ថានភាពនៃការផ្ទុះរាលដាលរុយសរ និងដង្កូវមូស្លឹក នៅភូមិសាស្ត្ររមាសហែកនិងស្រុកស្វាយជ្រំ ។
ការចុះពិនិត្យនេះ កើតឡើងនៅថ្ងៃទី០៤ ទី៥ខែកក្កដា ឆ្នាំ២០២៤ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀ ដឹកនាំដោយលោក ពុត កាអុល អនុប្រធានមន្ទីរ និង លោក ហួ សុខម៉េង ប្រធានការិយាល័យគៀតសាស្ត្រ និងផលិតភាពកសិកម្មរុក្ខាប្រមាញ់ និងនេសាទខេត្តស្វាយរៀង តំណាងលោក សុខ សុទ្ធាវុធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀងព្រមទាំង សហការីអមដំណើរ លោកបណ្ឌិត កែ មុន្នីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម បានដឹកនាំមន្ត្រីជំនាញបន្តចុះពិនិត្យស្ថានភាពនៃការផ្ទុះរាលដាលរុយសរ និងដង្កូវមូស្លឹក និងចលនាប្រជាកសិករចុះបាញ់ថ្នាំកម្ចាត់រុយសរ និងដង្កូវមូលស្លឹកនៅឃុំដូនសរ ស្រុកស្វាយជ្រំ និងឃុំចន្ត្រី ស្រុករមាសហែក និងនាំយកដ្រូនបង្ហោះបាញ់ថ្នាំកសិកម្មនៅឃុំដូង ស្រុករមាសហែក ខេត្តស្វាយរៀង ដោយមានការចូលរួមពីអាជ្ញាធរមូលដ្ឋាន និងប្រជាកសិករជាច្រើននាក់ផងដែរនៅក្នុងមូលដ្ឋាន។
បើតាមលោកពុតកាអុល.បានឲ្យដឹងថា ការចុះពិនិត្យនេះធ្វើឡើងក្នុងគោលបំណង ដើម្បីសិក្សាវាយតម្លៃលើការរាតត្បាតរបស់រុយសរ ដង្កូវមូរស្លឹក និងណែនាំដល់ប្រជាកសិករអំពីវិធានការទប់ស្កាត់និងកម្ចាត់រុយសរ ដង្កូវតាមរយៈការណែនាំ និងផ្តល់ឯកសារបច្ចេកទេស ពីរុយសរលើដំណាំស្រូវ និងបច្ចេកទេសប្រើប្រាស់ថ្នាំសម្លាប់សត្វល្អិតឱ្យត្រឹមត្រូវស្របតាមស្តង់ដាបច្ចេកទេសដែលអាចចៀសវាងផលប៉ះពាល់ដល់បរិស្ថាននិងសុខភាពប្រជាពលរដ្ឋប្រកបដោយប្រសិទ្ធភាព និងប្រសិទ្ធផលខ្ពស់។លោកបណ្ឌិតក៏បានអំពាវនាវទៅដល់ប្រជាកសិករទាំងអស់ សូមចុះពិនិត្យស្រែជាប្រចាំ ដោយសារបច្ចុប្បន្ននេះស្ថិតនៅក្នុងដំណាក់កាលនៃការផ្ទុះឡើងរុយសរ និងដង្កូវមូរស្លឹកនៅឡើយ។
លោក ហួ សុខម៉េង អនុប្រធានការិយាល័យក្សេត្រសាស្ត្រ និងផលិតភាពកសិកម្មរុក្ខាប្រមាញ់ និងនេសាទខេត្តស្វាយរៀងបានឱ្យដឹងថា កាលពីថ្ងៃទី០១ ខែកក្កដាឆ្នាំ២០២៤នេះ រុយសរ និងដង្កូវមូស្លឹកបានបំផ្លាញដំណាំស្រូវរបស់ប្រជាកសិករនៅ ខេត្តស្វារៀង ប្រមាណជា៣៧៤ហិកតា ខណៈមកដល់ថ្ងៃទី០៤ខែកក្កដា ឆ្នាំ២០២៤នេះ ផលប៉ះពាល់ដំណាំស្រូវមានចំនួនប្រហែលជាជិត៨០០ហិកតា។ លោកបន្តថា បើសិនជាប្រជាកសិករមានភាពយឺតយ៉ាវក្នុងការចុះពិនិត្យស្រែចម្ការ និងចាត់វិធានការកម្ចាត់ឱ្យបានទាន់ពេលទេនោះ រុយស និងដង្កូវមូស្លឹកអាចបំផ្លាញដំណាំស្រូវក្នុងរយៈពេល៥ទៅ៧ថ្ងៃខូចស្រូវអស់តែម្តង។
ក្នុងការចុះត្រពិនិត្យនេះជាលទ្ធផលក្រុមការងារបានបន្តអន្តរាគមន៍ និងជូនថ្នាំកសិកម្មព្រមទាំងបាញ់ថ្នាំជូនដល់ប្រជាកសិករទាំង ០២ស្រុកគឺស្រុករមាសហែកនិងស្រុកស្វាយជ្រំ បានចំនួនសរុប ១៨៩ហិកតា។លោកហួ សុខម៉េង ក៏បានណែនាំទៅប្រជាសហគមន៍ និងប្រជាកសិករ ប្រើថ្នាំបាញ់សម្លាប់សត្វល្អិតរុយសហ្នឹងដង្កូវមូស្លឹកនៅពេលព្រឹក ពេលល្ងាច ឬពេលយប់ជាដើម ទើបសម្លាប់រុយស ដង្កូវនោះបានប្រសិទ្ធភាព និង ប្រសិទ្ធផលខ្ពស់ ។
លោកជំរុញឲ្យប្រជាពលរដ្ឋ ប្រសិនបើប្រជាកសិករជួបប្រទះនឹងរុយស ដង្កូវមូស្លឹកកំពុងបំផ្លាញដំណាំស្រូវ សូមរាយការណ៍ឬធ្វើការទាក់ទងទៅអាជ្ញាធរមូលដ្ឋានដែលនៅជិតបំផុត ឬផ្តល់ព័ត៌មានទៅមន្ត្រីកសិកម្មនៅតាមឃុំ-ស្រុក-ខេត្ត ដើម្បីជួយផ្តល់ការណែនាំផ្នែកបច្ចេកទេស ឬវិធីសាស្ត្រនៃការជ្រើសរើសថ្នាំកសិកម្មសម្រាប់បាញ់កម្ចាត់រុយស និងដង្កូវនោះឱ្យទាន់ពេលវេលា៕
ចែករំលែកព័តមាននេះ