ADផ្ទាំងផ្សព្វផ្សាយពាណិជ្ជកម្ម

ហ៊ានមែន! វៀតណាម២នាក់កា.ប់ដើមឈើព្រៃលិចទឹកក្នុងតំបន់អភិរក្ស

10 ខែ មុន

កំពង់ឆ្នាំង
២៦ ខែ តុលា ឆ្នាំ ២០២៣ ម៉ោង ០៩:២០

ខេត្តកំពង់ឆ្នាំង ៖ ក្រោយពេលមានសេចក្តីរាយការណ៍ពីប្រជាពលរដ្ឋស្ដីពីជនជាតិវៀតណាម២នាក់ធ្វើសកម្មភាពកាប់ព្រៃលិចទឹកដើម្បីយកទៅដាក់សម្រាស់ ភ្លាមៗមន្ត្រីជំនាញចេញប្រតិបត្តិការបង្ក្រាបបទល្មើសដោយឃាត់ខ្លួនជនសង្ស័យទាំងពីរនាក់ រួមនិងសម្រាស់ដើមឈើធំៗដែលចងបណ្ដែតនិងប៊ីដុងជ័រ ព្រមទាំងកាណូតបាឡាស្មាច់ចំនួន៣គ្រឿង កាលពីវេលាម៉ោង៨យប់ថ្ងៃទី២៤ តុលា នៅចំណុចព្រែកថ្លាន់ ដែលជាព្រែកអភិរក្សពូជត្រី…

លោក តាត សីហាក់ នាយផ្នែករដ្ឋបាលជលផលកំពង់ឆ្នាំង កាលពីព្រឹកថ្ងៃទី២៥ តុលា នេះ បានឲ្យដឹងថា បន្ទាប់ពីទទួលបានសេចក្តីរាយការណ៍ពីក្រុមប្រជាពលរដ្ឋ កម្លាំងផ្នែករដ្ឋបាលជលផលរបស់លោកក៏ បានចុះទៅដល់កន្លែងកើតហេតុភ្លាមៗដែរនឹងបានឃាត់ខ្លួនជនល្មើសជាជនជាតិវៀតណាមដែលបានប្រព្រឹត្តបទល្មើសខាងលើចំនួន២នាក់ និងទូកសម្រាប់អូសសណ្ដោងដើមឈើព្រៃលិចទឹកចំនួន៣គ្រឿង ។ ជនល្មើសទាំង២នាក់ ១-ឈ្មោះ វៀង យាំងទឺ អាយុ៤៧ឆ្នាំ និង២-ឈ្មោះ ដែន យាំងសង អាយុ៤៦ឆ្នាំពួកគេទាំង២នាក់ រស់នៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង។ ប៉ុន្តែបច្ចុប្បន្នពួកគេបានទៅស្នាក់នៅភូមិក្រម៉ាល់ ឃុំប្រឡាយមាស ស្រុកកំពង់លែងម្តុំ(ចំណុចព្រែកគូរ) ។

វត្ថុតាងដែលសមត្ថកិច្ចរឹបអូសបានក្នុងពេលប្រព្រឹត្តបទល្មើសខាងលើនេះ រួមមានកាណូត៣គ្រឿងក្នុងនោះ២គ្រឿងជាកាណូតឈើនិង១គ្រឿង ជាទូកបាឡាស្មាច់ រួមនិងដើមឈើចំនួនធំៗចំនួន១៥ដើម ដែលជនល្មើសបានកាប់ ក្នុងតំបន់អភិរក្ស ចងបណ្ដែតជាមួយនឹងពីដុងជ័រចំណុះ៣០លីត្រជាច្រើនពីដុង អូសជាមួយកាណូត ដើម្បីយកទៅធ្វើជាសម្រាស់សម្រាប់ដាក់ឲ្យត្រីកុំដែលខុសពីច្បាប់ស្ដីពីជលផលនឹងជាការបំផ្លាញព្រៃឈើលិចទឹកយ៉ាងធ្ងន់ធ្ងរ ។

នាយផ្នែករដ្ឋបាលជលផលកំពង់ឆ្នាំងបានឲ្យដឹងទៀតថា ជនសង្ស័យទាំង២នាក់ខាងលើនេះ ត្រូវបានចោទតាមមាត្រាលេខ៩៨ ចំណុច១នៃច្បាប់ស្ដីពីជលផល ដែលត្រូវផ្តន្ទាទោសដាក់ពន្ធនាគារពី៣ឆ្នាំទៅ ៥ឆ្នាំ និងវត្ថុតាងត្រូវរឹបអូសជាសម្បត្តិរដ្ឋ ចំពោះសំណុំរឿងនិងជនសង្ស័យទាំង២នាក់ ត្រូវបានបញ្ជូនទៅតុលាការនៅថ្ងៃ២៥ ខែតុលា ផងដែរ ។