រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានប្រាប់ទៅលោកគ្រូដែលកាន់កន្ត្រៃត្រង់ឌឺកាត់សក់សិស្ស នៅក្នុងថ្នាក់នៅវិទ្យាល័យសម្តេចតេជោហ៊ុន សែន សំពៅលូន គួររៀបចំកាត់សក់សិស្សដែលមិនទាន់ត្រូវខ្នាតខ្លួនចង់បាន តែគួរបញ្ចប់ទៅរឿងហ្នឹង។…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានប្រាប់ទៅលោកគ្រូដែលកាន់កន្ត្រៃត្រង់ឌឺកាត់សក់សិស្ស នៅក្នុងថ្នាក់នៅវិទ្យាល័យសម្តេចតេជោហ៊ុន សែន សំពៅលូន គួររៀបចំកាត់សក់សិស្សដែលមិនទាន់ត្រូវខ្នាតខ្លួនចង់បាន តែគួរបញ្ចប់ទៅរឿងហ្នឹង។
ការលើកឡើងរបស់សម្តេចតេជោ ហ៊ុន សែន បន្ទាប់មានការផ្ទុះការចាប់អារម្មណ៍លើបណ្តាញសង្គមដោយមានការរិះគន់ចំពោះទង្វើរបស់លោកគ្រូវិទ្យាល័យសម្តេចតេជោ ហ៊ុន សែនសំពៅលូនបានចុះកាត់សក់សិស្សក្នុងថ្នាក់ ទោះបីសក់សិស្សនោះខ្លីក៏ដោយ។
ថ្លែងក្នុងពិធីប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យវេស្ទើន សរុបចំនួន៣២៣២នាក់ ដែលពិធីនេះនឹងធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ(OCIC) រាជធានីភ្នំពេញ នាព្រឹកថ្ងៃទី២៦ មករា ឆ្នាំ២០២៣ សម្តេចតេជោ បានគូសបញ្ជាក់យ៉ាងដូច្នេះថា ៖«ខ្ញុំនិយាយនេះ មិនមែនសំដៅគ្រូទូទាំងប្រទេសទេ ប៉ុន្តែសំដៅលើកលោកគ្រូដែលបានធ្វើ«…»ហើយវិទ្យាល័យអ្វី គឺវិទ្យាល័យដែលខ្ញុំធ្វើឲ្យទៀតទៅកើតរឿងអីញ្ចឹង។ លោកគ្រូអើយៗលោកគ្រូ បើយើងចង់ធ្វើមិនចាំបាច់យកកន្ត្រៃត្រង់ឌឺទៅឈូសគ្នានៅកណ្តាលថ្នាក់អីញ្ចឹងទេ ទៅ!កូនសិស្សរបស់យើងដូចកូនយើងអីញ្ចឹង ហៅទៅរៀបចំកាត់ឲ្យត្រូវខ្នាតទៅ បើគង់ត្រង់ឌឺដែរនោះ0x017d7»។
សម្តេចតេជោ ក៏បានលើកឡើងថា សិស្សដែលត្រូវលោកគ្រូកាត់សក់នៅក្នុងថ្នាក់នោះមើលទៅមិនមែនជាមានសក់វែងនោះទេ ពោល គឺសក់គ្រូវែងជាសក់សិស្សទៅវិញទេ។ សម្តេចក៏បានស្នើឲ្យលោកគ្រូនោះមានការកែប្រែឥរិយាបថពីការប្រើវិធីពីការបង្ខំទៅជាមួយនឹងការអប់រំណែនាំឲ្យសិស្សខិតខំរៀនសូត្រល្អជាង។
ជាមួយគ្នានោះដែរ សម្តេចតេជោ ហ៊ុន សែន ក៏បានស្នើ និងអំពាវនាវកុំឲ្យមានការពង្រីកចំពោះករណីនេះ ដោយសូមបញ្ចប់ករណីនេះ។ សម្តេចគូសបញ្ជាក់បន្ថែមថា ៖«រឿងនៅវិទ្យាល័យសម្តេចតេជោ ហ៊ុន សែន សំពៅលូន ខេត្តបាត់ដំបង ខ្ញុំសូមអំពាវនាវល្មមបញ្ចប់ហើយរឿងនៅលើស្ពានជ្រោយចង្វារក៏ដល់ល្មមបញ្ចប់។ កុំបន្តទៀត ហើយឆ្លងកាត់នូវបទពិសោធននេះយើងកុំឲ្យមានរឿងថ្មីច្រំដែលទៀត»៕
ចែករំលែកព័តមាននេះ