បាល់ទាត់Soccer Leaqueរំពឹងរកបានកីឡាករល្អចូលរួមក្នុងក្រុមជម្រើសជាតិសម្រាប់ថ្ងៃអនាគត
- ភ្នំពេញ
រាជធានីភ្នំពេញ ៖ ការប្រកួតកីឡាបាល់ទាត់ពានរង្វាន់ Soccer Leaque ដែលគ្រោងបើកដំណើរការនៅ
រាជធានីភ្នំពេញ ៖ ការប្រកួតកីឡាបាល់ទាត់ពានរង្វាន់ Soccer Leaque ដែលគ្រោងបើកដំណើរការនៅក្នុងពេលដ៏ឆាប់ៗខាងមុខនេះមានរហូតដល់ទៅ៧៤ក្រុមចូលរួម ខណៈព្រឹត្តិការណ៍ប្រកួតកីឡាបាល់ទាត់ពាក់កណ្ដាលអាជីពដ៏ធំមួយនេះ ត្រូវបានគេរំពឹងថាអាចចម្រាញ់បានកីឡាករឆ្នើមៗចូល
រួមនៅក្នុងក្រុមជម្រើសជាតិនាថ្ងៃអនាគត។ នេះបើតាមការលើកឡើងរបស់ឯកឧត្តមស សុខា អនុប្រធានទទួលបន្ទុកគ្រប់ការប្រកួតកីឡាបាល់ទាត់ Soccer Leaque រដូវកាលឆ្នាំ២០២៣ថ្លែងនៅក្នុងសន្និសីទសារព័ត៌មានកាលពីល្ងាចថ្ងៃទី៣០ ធ្នូ ឆ្នាំ២០២២ ។
ព្រឹត្តិការណ៍បាល់ទាត់ពានរង្វាន់Soccer Lequeត្រូវបានបង្កើតឡើងអស់រយៈពេលជាយូរឆ្នាំមកហើយដោយសហភាពសហព័ន្ធយុវជនកម្ពុជា ។ វាជាការរួមចំណែកដ៏សំខាន់ក្នុងការត្រៀមខ្លួនចូលរួមនៅក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះ ។
មិនតែប៉ុណ្ណោះ វាជាបេសកកម្មដ៏ចម្បងរបស់សហភាពសហព័ន្ធយុវជនកម្ពុជាក្រោមគំនិតផ្ដួចផ្ដើមរបស់ឯកឧត្តមហ៊ុន មានីនិងឯកឧត្តម ស សុខា ។ អ្វីដែលជាការកត់សម្គាល់នោះ ការប្រកួតឆ្នាំនេះមានក្រុមចូលរួមច្រើនជាងមុន ។ គេសង្ឃឹមដែរថា ទៅថ្ងៃអនាគតនឹងមានការកើនឡើង ដោយសារសកម្មភាពមួយនេះបានជួយបំផុសចលនាយុវជនងាកមកលេងកីឡាបាល់ទាត់កាន់តែច្រើនឡើង។
ការប្រកួតកីឡាបាល់ទាត់ពានរង្វាន់ខាងលើនេះត្រូវបានបង្កើតឡើងចំនួន៥លើករួចមកហើយតាំងពីឆ្នាំ២០១២មកម៉្លេះ ហើយនេះជាលើកទី៦ហើយ ។ ការប្រកួតជាផ្លូវការរដូវកាលថ្មីឆ្នាំ២០២៣ ក្នុងចំណោមក្រុមទាំង៧៤មានក្រុមនារីចូលរួមចំនួន១០ក្រុម ដែលគ្រោងនឹងប្រើប្រាស់ទីលានចំនួន៩ក្នុងរាជធានីភ្នំពេញ បើកការប្រកួតជាផ្លូវការនៅថ្ងៃទី៧ ខែមករា នៅទីលាន Smart RSN របស់ក្លិបបាល់ទាត់ភ្នំពេញក្រោន។
ចំពោះប្រាក់រង្វាន់លើកទឹកចិត្តវិញទាំងបុរសនិងនារី លេខ១ទទួលបានរហូតដល់ទៅ២៥លានរៀល លេខ២ទទួលបាន១០លានរៀល និងលេខ៣ទទួលបាន៥លានរៀល ៕
ចែករំលែកព័តមាននេះ