រាជធានីភ្នំពេញ ៖ វិស័យបច្ចេកវិទ្យាហិរញ្ញវត្ថុ FinTech កាន់តែជឿនលឿនកំពុងជួយឲ្យការងារទូទាត់ទាំងនៅក្នុងវិស័យរដ្ឋ និងឯកជនកាន់តែមានងាយស្រួល លឿនរហ័ស និងមានសុវត្ថិភាពខ្ពស់ ។ ជាក់ស្ដែង…
រាជធានីភ្នំពេញ ៖ វិស័យបច្ចេកវិទ្យាហិរញ្ញវត្ថុ FinTech កាន់តែជឿនលឿនកំពុងជួយឲ្យការងារទូទាត់ទាំងនៅក្នុងវិស័យរដ្ឋ និងឯកជនកាន់តែមានងាយស្រួល លឿនរហ័ស និងមានសុវត្ថិភាពខ្ពស់ ។ ជាក់ស្ដែង ធនាគារ អេស៊ីលីដា ដែលជាធនាគារឈានមុខគេមួយនៅកម្ពុជាលើការអភិវឌ្ឍន៍សេវាធនាគារឌីជីថលនោះ បានពង្រីកនូវវិសាលភាពសេវាកម្មទូទាត់តាមរយៈឌីជីថលកាន់តែធំទូលាយ ។
ធនាគារ អេស៊ីអេស៊ីលី ត្រូវបានគេចាត់ទុកថា គឺជាធនាគារពាណិជ្ជដ៏ធំជាងគេមួយ ដែលមានប្រតិបត្តិការទូលំទូលាយ និងទទួលបានការអនុញ្ញាតឲ្យប្រើប្រាស់សម្រាប់ការទូទាត់ជាច្រើន ទាំងនៅក្នុងវិស័យឯកជន និងរដ្ឋផងដែរ ។ តួយ៉ាង ជាមួយនឹងការប្រើប្រាស់អេស៊ីលីដាម៉ូបាល លោកអ្នកអាចបង់ថ្លៃវិក្កយបត្រជាមួយក្រសួងសាធារណការ និងដឹកជញ្ជូនជាង ១០ មុខ ឯណោះដែលរួមមានដូចជា ៖
- បង់ថ្លៃកក់លេខរថយន្តទុក
- បង់ថ្លៃចុះបញ្ជីយានជំនិះ
- បង់ថ្លៃផ្ទេរកម្មសិទ្ធិយានជំនិះ
- បង់ថ្លៃប្ដូរព័ត៌មានយានជំនិះ
- បង់ថ្លៃទុតិយតា-តតិយតាយានជំនិះ
- បង់ថ្លៃប្ដូរបណ្ណបើកបរ
- បង់ថ្លៃចុះបញ្ជីសាលាបង្រៀនបើកបរ
- បង់ថ្លៃលិខិតអនុញ្ញាតបំពេញបែបបទចុះបញ្ជីយានយន្ដសម្រាប់ហាង
- បង់ថ្លៃចុះបញ្ជីក្រុមហ៊ុនត្រួតពិនិត្យលក្ខណៈបច្ចេកទេសយានជំនិះ
- បង់ថ្លៃពិន័យលើឆៀកផុតសុពលភាពលើសពី ៣០ ថ្ងៃ
- បង់ថ្លៃត្រួតពិនិត្យលក្ខណៈបច្ចេកទេសយានជំនិះ
- បង់ថ្លៃស្នើសុំលិខិតអនុញ្ញាតឲ្យនាវាចូលចតតាមកំពង់ផែ ។
សូមបញ្ជាក់ផងដែរថា អេស៊ីលីដាម៉ូបាល បានទទួលបានប្រជាប្រិយភាពយ៉ាងខ្លាំង ដែលមានអ្នកចុះឈ្មោះប្រើប្រាស់ច្រើនជាង ២,៦ លាននាក់ គិតត្រឹមដំណាច់ខែមិថុនា ឆ្នាំ ២០២២ នេះ ។ ជាមួយនឹងកំណើននៃការប្រើប្រាស់អេស៊ីលីម៉ូបាលនេះ វាក៏បានជួយឲ្យចរាចរសាច់ប្រាក់បានឆាប់រហ័សនៅក្នុងសេដ្ឋកិច្ចផងដែរ ៕
ចែករំលែកព័តមាននេះ