រាជធានីភ្នំពេញ៖ កាលពីថ្ងៃទី២៨ ខែវិច្ឆិកា កន្លងមកនេះ ក្រុមហ៊ុន ស៊ីភី អល (ខេមបូឌា) បានរៀបចំកម្មវិធីផ្លាស់ប្ដូរ ចំណេះដឹងអំពីប្រព័ន្ធផលិតកម្មអាហារដែលមានគុណភាពល្អ…
រាជធានីភ្នំពេញ៖ កាលពីថ្ងៃទី២៨ ខែវិច្ឆិកា កន្លងមកនេះ ក្រុមហ៊ុន ស៊ីភី អល (ខេមបូឌា) បានរៀបចំកម្មវិធីផ្លាស់ប្ដូរ ចំណេះដឹងអំពីប្រព័ន្ធផលិតកម្មអាហារដែលមានគុណភាពល្អ GMP/GHP ឱ្យដល់ដៃគូធុរកិច្ចកម្ពុជា ដែលជាអ្នកផលិត ផលិតផល ប្រភេទអាហារ នៅបន្ទប់សិក្ខាសាលាអាគារ ទីស្នាក់ការកណ្ដាល ក្នុងរាជធានីភ្នំពេញ ដោយក្នុងនោះមានការចូលរួមពីដៃគូ ធុរកិច្ចជាង ២០នាក់ ហើយការចូលរួមកម្មវិធីនេះ គឺពុំមានចំណាយថវិកាទេ ។
លោក សុនថះយ៉ា រ៉ាង់ស៊ីរីវ៉េត Managing Director នៃក្រុមហ៊ុន ស៊ីភី អល (ខេមបូឌា) មានប្រសាសន៍ថា សកម្មភាពនេះ មានគោលបំណងបង្កើនសក្តានុពល ដៃគូពាណិជ្ជកម្មឱ្យមានចំណេះដឹង និងការយល់ដឹងអំពីស្តង់ដារផលិតផលិតផលល្អ រួមទាំងច្បាប់ចំណីអាហារដែលពាក់ព័ន្ធ ដើម្បីឱ្យមានការ យល់ដឹងច្បាស់ និងអាចគ្រប់គ្រងផលិតផល បានពេញមួយដំណើរការ ដើម្បីឱ្យត្រឹមត្រូវ ទៅតាមច្បាប់របស់ ប្រទេសកម្ពុជា ។ ដោយយោងតាមគោលការណ៍ ចែករំលែកចំណេះដឹង គាំទ្រសហគ្រិនក្នុងស្រុក ស្របតាមគុណតម្លៃ ៣ អត្ថប្រយោជន៍របស់ CP Group ដែល ក្រុមហ៊ុន ស៊ីភី អល តែងតែប្រកាន់ខ្ជាប់ ក្នុងការគ្រប់គ្រង 7-Eleven ក្នុងព្រះរាជាណាចក្រកម្ពុជា ដោយមានការតាំងចិត្តយ៉ាងមុតមាំថា នឹងរៀបចំកម្មវិធីចែករំលែក ចំណេះដឹងបែបនេះឱ្យបានទៀងទាត់ ដើម្បីលើកកម្ពស់សក្តានុពលផលិតករ និងគុណភាពផលិតផលក្នុងស្រុក ។
លោក ម៉ៅ ចាន់អុីម មកពី PINK PINK BATTAMBONG FOODS ដែលជាម្នាក់ក្នុងចំណោម អ្នកចូលរួមបានលើកឡើងថា អ្វីដែលខ្ញុំបានរៀនគឺការផលិតផលិតផល ត្រូវតែគោរពច្បាប់របស់ប្រទេស ។ ហើយខ្ញុំបានស្វែងយល់អំពី GMP និង HACCP ទៅកម្រិតមួយទៀត ។ មានដូចជាការរៀបចំកន្លែងផលិត និងអនាម័យ ដើម្បីធានាថាផលិតផលមិនត្រឹមតែល្អប៉ុណ្ណោះទេ ថែមទាំងមានសុវត្ថិភាព អនាម័យខ្ពស់ផងដែរ ។ ខ្ញុំសូមអរគុណដល់ 7-Eleven ដែលបានផ្តល់ផ្តល់ឱកាសឱ្យផលិតផលក្នុងស្រុក ជាពិសេសនោះគឺ អាហារក្នុងស្រុកខ្មែរយើង ។
អ្នកស្រី រៀន ពៅច័ន្ទវត្តី មកពី THE AUCKLAND BOULANGERIE បានថ្លែងអំណរគុណដល់ 7-Eleven ដែលបានអញ្ជើញគាត់ មកចូលរួមសិក្សារអំពីសុវត្ថិភាពចំណីអាហារ ។ សិក្ខាសាលានេះបានធ្វើឱ្យ គាត់ទទួលបានចំណេះដឹង អំពីច្បាប់របស់ប្រទេសកម្ពុជា និងលក្ខខណ្ឌផ្សេងៗទៀតរបស់ 7-Eleven ដែលអាច យកទៅប្រើប្រាស់ដើម្បីអភិវឌ្ឍគុណភាព និងសុវត្ថិភាពសម្រាប់អ្នកប្រើប្រាស់ ។ ជាចុងក្រោយ គាត់សង្ឃឹមថា នឹងមានឱកាសចូលរួម ក្នុងកម្មវិធីបែបនេះជាមួយ 7-Eleven នាពេលអនាគតទៀត ៕ អត្ថបទសហការ
ចែករំលែកព័តមាននេះ