ខេត្តស្ទឹងត្រែង ៖ អ្នកនេសាទនៅក្នុងខេត្តស្ទឹងត្រែងទើបចាប់បានត្រីកម្រមួយប្រភេទប៉ាសាណាក Aaptosyax grypus នៅតំបន់ដាច់ស្រយាលមួយ ។ ត្រីប្រភេទនេះ បានបាត់មុខពីទន្លេកម្ពុជាយូរឆ្នាំហើយ ។…
ខេត្តស្ទឹងត្រែង ៖ អ្នកនេសាទនៅក្នុងខេត្តស្ទឹងត្រែងទើបចាប់បានត្រីកម្រមួយប្រភេទប៉ាសាណាក Aaptosyax grypus នៅតំបន់ដាច់ស្រយាលមួយ ។ ត្រីប្រភេទនេះ បានបាត់មុខពីទន្លេកម្ពុជាយូរឆ្នាំហើយ ។
អ្នកស្រាវជ្រាវ បានបញ្ជាក់ថា ត្រីប៉ាសាណាក គឺជាប្រភេទកម្រ ស្ថិតនៅក្នុងចំណាត់ថ្នាក់ជាប្រភេទត្រី «កំពុងរងគ្រោះថ្នាក់ឈានទៅវិនាសផុតពូជ» ក្នុងបញ្ជីក្រហមរបស់សហភាពអន្តរជាតិសម្រាប់ការអភិរក្សធម្មជាតិ IUCN Red List។
វត្តមានត្រី ប៉ាសាណាក នៅក្នុងទន្លេរបស់កម្ពុជានេះក្រោយពីមានការនេសាទបានត្រីបបែលយក្សចំនួន៤ក្បាលនៅក្នុងខេត្តស្ទឹងត្រែងនេះកាលពីពេលថ្មីៗនេះ ហើយនៅក្នុងចំណោមត្រីបបែលយក្សនោះត្រីបបែលទី៤ ដែលមានទម្ងន់៣០០គីឡីក្រាមបានជាប់ជាត្រីទឹកសាប ធំជាងគេនៅលើលោក ។
ត្រីបបែលខ្នាតយក្សចំនួន៤ក្បាលនោះត្រូវបានអ្នកនេសាទបានចាប់នៅក្នុងទន្លេមេគង្គពីកន្លែងផ្សេងគ្នាថ្ងៃផ្សេងគ្នា ។ ត្រីបបែលនេសាទបានទី១ មានទម្ងន់១៨០ គីឡូក្រាម ។ ពលរដ្ឋនេសាទបាននៅទី២៥ ខែមេសា ឆ្នាំ២០២២ ។ ត្រីបបែលទីពីរ មានទម្ងន់១៣៩គីឡូក្រាមអ្នកនេសាទចាប់បាន នៅថ្ងៃទី៥ ខែឧសភា ឆ្នាំ២០២២ ។
ចំណែកត្រីបបែលទី៣ នេសាទបាននៅថ្ងៃទៅ២២ ខែមិថុនា ឆ្នាំ២០២២ មានទម្ងន់១៤៣ គីឡូក្រាម និងលើកទី៤ នៅថ្ងៃទី១៣ ខែមិថុនា ឆ្នាំ២០២២ មានទម្ងន់៣០០គីឡូក្រាម ។
មន្ត្រីអ្នកពាក់ព័ន្ធមានគម្រោងអច្ឆរិយភាពនៃទន្លេមេគង្គបានកំពុងសិក្សាស្រាវជ្រាវបន្តករណីវត្តមាន ត្រីប៉ាសាណាក ដែលអ្នកនេសាទទើបចាប់បានថ្មីនេះបន្តទៀត ។ អ្នកស្រាវជ្រាវបានបញ្ជាក់ថា គេកម្រមានព័ត៌មានអំពីការចាប់បានត្រីប្រភេទនេះណាស់ ៕
ចែករំលែកព័តមាននេះ