ឡានដឹកឈើជួបគ្រោះក្រឡាប់តាមផ្លូវ
- ព្រះវិហារ
ខេត្តព្រះវិហារ ៖ រថយន្តម៉ាកសាំយ៉ុងមួយគ្រឿង ពណ៌សំបកឪឡឹក គ្មានស្លាកលេខ ដឹកឈើពេញរថយន្ត បានផ្ទុះកង់
ខេត្តព្រះវិហារ ៖ រថយន្តម៉ាកសាំយ៉ុងមួយគ្រឿង ពណ៌សំបកឪឡឹក គ្មានស្លាកលេខ ដឹកឈើពេញរថយន្ត បានផ្ទុះកង់ក្រឡាប់ផ្ងារជើងឡើងលើ បណ្តាលឱ្យប្តីប្រពន្ធដែលជាម្ចាស់រថយន្តរងរបួសធ្ងន់ទាំង២នាក់ ។
ហេតុការណ៍ខាងលើបានកើតឡើងវេលាព្រឹកព្រលឹមថ្ងៃទី៣០ ខែមីនា ឆ្នាំ២០២២ នៅចំណុចចន្លោះគីឡូម៉ែត្រលេខ57-58 ស្ថិតក្នុងភូមិរំចេក ឃុំរមណីយ៍ ស្រុករវៀង ខេត្តព្រះវិហារ ។
ប្តីប្រពន្ធជាម្ចាស់រថយន្តមួយគ្រឿងខាងលើ មិនស្គាល់អត្តសញ្ញាណនោះទេ ។
លោក ហម ភេន នាយរងប៉ុស្តិ៍នគរបាលឃុំរមណីយ៍ បានអោយដឹងថា មុនពេលកើតហេតុ រថយន្តម៉ាកសាំយ៉ុងមួយគ្រឿងខាងលើមានដឹកឈើពេញរថយន្ត បានធ្វើដំណើរក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ស្រាប់តែផ្ទុះកង់ក្រឡាប់ផ្ងារជើងឡើងលើ បណ្តាលឱ្យរងការខូចខាតយ៉ាងដំណំ ចំណែកប្តីប្រពន្ធទាំង២នាក់ដែលជាម្ចាស់រថយន្តបានរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តកំពង់ធំ ។
ក្រោយពេលកើតហេតុ សមត្ថកិច្ចបានស្ទូចយករថយន្តមួយគ្រឿងខាងលើទៅរក្សាទុកនៅអធិការដ្ឋាននគរបាលស្រុករវៀង ជាបណ្តោះអាសន្ន ៕
ចែករំលែកព័តមាននេះ