ADផ្ទាំងផ្សព្វផ្សាយពាណិជ្ជកម្ម

ថាកុំឱ្យគេឮ

2 ឆ្នាំ មុន

ភ្នំពេញ
១២ ខែ កុម្ភៈ ឆ្នាំ ២០២២ ម៉ោង ០៩:១៥

រឿងលោកផ្កាយបីនគរបាលម្នាក់ឈ្មោះ អុិន រស្មីឫទ្ធា ដែលទទួលសំណូក៧១.០០០ដុល្លារ ដើម្បីរត់ការបញ្ចូលក្របខណ្ឌមនុស្ស៧នាក់ឱ្យធ្វើប៉ូលិស ក្លាយជាអ្នករត់ការ «ខ្យល់» មានដំណឹងថា ទោះបីបែកពាងប្រហុកយ៉ាងនេះក្តី ធ្វើឱ្យលោកផ្កាយបី…

រឿងលោកផ្កាយបីនគរបាលម្នាក់ឈ្មោះ អុិន រស្មីឫទ្ធា ដែលទទួលសំណូក៧១.០០០ដុល្លារ ដើម្បីរត់ការបញ្ចូលក្របខណ្ឌមនុស្ស៧នាក់ឱ្យធ្វើប៉ូលិស ក្លាយជាអ្នករត់ការ «ខ្យល់» មានដំណឹងថា ទោះបីបែកពាងប្រហុកយ៉ាងនេះក្តី ធ្វើឱ្យលោកផ្កាយបី សម្ងំឈឹងតែម្តង…សង្ស័យសម្ងំនៅផ្ទះប្រពន្ធទី២ ដែលទើបផ្សំផ្គុំថ្មីៗនេះទេដឹង ?
*
បានជាពោលដូច្នោះពីព្រោះម្ចាស់ដើមបណ្តឹងដែលប្រឹងប្រែងទារយកប្រាក់ជាង៧ម៉ឺនដុល្លារវិញនេះ មិន ទាន់បានទទួលនៅឡើយទេ ។ តាមដំណឹងថា បាត់មុខលោកផ្កាយបីមិនចេញមុខឡូយឆាយមកដោះ ស្រាយជាមួយឡើយ គឺលាក់មុខលាក់ខ្លួនឈឹងតែម្តង ។
*
*ប៉ុន្តែក៏មានដំណឹងលេចឮតិចៗថា មានបងប្រុសម្នាក់របស់លោកផ្កាយបីចេញមុខជួយសម្របសម្រួលរឿងនេះ សើមៗហើយ…ទំនងការចេញមុខជួបនេះមិនអាចទទួលយកបាននៅឡើយទេ ព្រោះមានដំណឹងសុំសងខ្លះ ដោយដាក់លក្ខខណ្ឌឱ្យម្ចាស់ដើមបណ្តឹងដកពាក្យបណ្តឹងចេញផង ។ ប៉ុន្តែលក្ខខណ្ឌនេះមិនត្រូវគ្នាទេ ព្រោះសុំសងខ្លះសិន ។
*
មានអ្នកខ្លះឆ្ងល់ថា យកប្រាក់គេ៧១.០០០ដុល្លារ ទៅរត់ការចូលប៉ូលិស មិនទាំងបានចំណាយរត់ការផង តើចាយទៅណាឆាប់អស់ម៉្លេះ ? មានតែភរិយាដើមរបស់លោកទេ ដែលអាចបញ្ជាក់បាន ព្រោះមុននេះមាន ដំណឹងថា បានភរិយាថ្មីមួយទៀត ខាងលក់ផលិតផលតាមអនឡាញ ។
*
យ៉ាងណាក៏ដោយចុះ ទាល់តែសំណុំរឿងធ្លាយដល់សាលាដំបូងទើបអាចរកទីបញ្ចប់បាន ។ បើពុំដូច្នោះទេ នៅរសាត់អណ្តែតតាមវាយោរដូវប្រាំង គ្មានទីបញ្ចប់ឡើយ ។ ឱ ! លោកផ្កាយបីអើយ…នៅសុខៗយកកទៅ លអន្ទាក់លេង…ហេ ! ហេ !
*
* *

អត្ថបទសរសេរ ដោយ

សហការី

14K អត្តបទ

កែសម្រួលដោយ

ស្រីណា

60K អត្តបទ

ADផ្ទាំងផ្សព្វផ្សាយពាណិជ្ជកម្ម

ថាកុំឱ្យគេឮ

អត្ថបទសរសេរ ដោយ

កែសម្រួលដោយ

អត្តបទផ្សេងៗទៀត