អតីតថៅកែធំ១រូបកាត់ទោសប្រហារជីវិត ពាក់ព័ន្ធនឹង២បទល្មើស(វីដេអូ)
ប្រទេសចិន ៖ នេះជាសាលក្រមកាត់ទោសវិសាមញ្ញមួយក្នុងពិភពអ្នកជំនួញចិន ដោយលោកLAI XIAOMIN អតីតថៅកែក្រុមហ៊ុនហិរញ្ញវត្ថុ CHINA HUARONG កាលពីថ្ងៃទី៥ ខែមករា…
ប្រទេសចិន ៖ នេះជាសាលក្រមកាត់ទោសវិសាមញ្ញមួយក្នុងពិភពអ្នកជំនួញចិន ដោយលោកLAI XIAOMIN អតីតថៅកែក្រុមហ៊ុនហិរញ្ញវត្ថុ CHINA HUARONG កាលពីថ្ងៃទី៥ ខែមករា…
ប្រទេសចិន ៖ នេះជាសាលក្រមកាត់ទោសវិសាមញ្ញមួយក្នុងពិភពអ្នកជំនួញចិន ដោយលោកLAI XIAOMIN អតីតថៅកែក្រុមហ៊ុនហិរញ្ញវត្ថុ CHINA HUARONG កាលពីថ្ងៃទី៥ ខែមករា ឆ្នាំ២០២១ ទទួលការកាត់ទោសប្រហារជីវិត ពីបទពុករលួយ និងមានប្រពន្ធច្រើន។
ចាប់តាំងពីលោកស៊ីជីងពីង ឡើងកាន់អំណាចមក មានតែអ្នកទទួលខុសត្រូវជាន់ខ្ពស់ចិនមួយរូបគត់ ដែលទទួលការកាត់ទោសប្រហារជីវិតកាលពីឆ្នាំ២០១៦ ពីបទផ្តាច់សម្លាប់មនុស្ស។ អ្នកទទួលខុសត្រូវចិនឯទៀតៗ ទទួលការកាត់ទោសប្រហារជីវិតដែរ តែទោសនោះត្រូវបានព្យួរ។ ការកាត់ទោសប្រហារជីវិតថៅកែធំថ្មីលើកនេះ កើតមាន ខណៈរដ្ឋអំណាចកុំមុយនីស្តចិន កំពុងតែរិតបន្ដឹងដល់ផ្នែកហិរញ្ញវត្ថុ។
លោក LAI XIAOMIN មានទោសពីបទទទួលប្រាក់២១៥លានអឹរ៉ូជាប្រាក់សំណូក និងប៉ុនប៉ងឲ្យទទួលបានប្រាក់១៣លានអឺរ៉ូថែមទៀត។ តុលាការម្យ៉ាងទៀតបានកាត់ទោសលោកពីបទ ពង្វាងយកមូលនិធិសាធារណៈចំនួន៣,១លានអឺរ៉ូ។
ក្នុងការវិនិច្ឆ័យរបស់ខ្លួន តុលាការក្រុងទីនជីនគូសបញ្ជាក់ថា ទឹកប្រាក់ទាំងនោះពិតជាច្រើនបំផុត ហើយបទល្មើសពិតជាធ្ងន់ធ្ងរ ហើយចេតនារបស់គេក៏សម្បើមអស្ចារ្យ។ លោក LAI XIAOMINក៏មានទោសពីបទមានប្រពន្ធច្រើន និងមានស្រីច្រើន ដោយចាប់តាំងពីយូរមកហើយលោករស់នៅ ជាមួយនារីច្រើននាក់ ដោយមិនបាច់រៀបការ។ ពេលឆែកឆេរក្នុងលំនៅឋាន គេរកឃើញបណ្ដាទូដាក់ពេញដោយប្រាក់។
កាលពីខែមករា ឆ្នាំ២០២០ លោក LAI XIAOMIN បានធ្វើការសារភាពចេញផ្សាយតាមទូរស្សន៍រដ្ឋចិន CCTV៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ