រាជធានីភ្នំពេញ ៖ បុរសជាជនជាតិចិនម្នាក់ត្រូវបានមិត្តភក្តិប្រទះឃើញបាត់បង់ជីវិតនៅជាន់ទី១៣ ក្នុងបន្ទប់អគារខុនដូមួយកន្លែង បន្ទាប់ពីទូរស័ព្ទមិនលើកហើយ ទៅតាមរកដល់បន្ទប់។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១រសៀលថ្ងៃទី២៥ខែ តុលា ឆ្នាំ២០២០ នៅចំណុចខុនដូ…
រាជធានីភ្នំពេញ ៖ បុរសជាជនជាតិចិនម្នាក់ត្រូវបានមិត្តភក្តិប្រទះឃើញបាត់បង់ជីវិតនៅជាន់ទី១៣ ក្នុងបន្ទប់អគារខុនដូមួយកន្លែង បន្ទាប់ពីទូរស័ព្ទមិនលើកហើយ ទៅតាមរកដល់បន្ទប់។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១រសៀលថ្ងៃទី២៥ខែ តុលា ឆ្នាំ២០២០ នៅចំណុចខុនដូ អគារលេខ៦០ ផ្លូវលេខ ៣៣៧ សង្កាត់បឹងកក់១ ខណ្ឌទួលគោក រាជធានីភ្នំពេញ។
ជនបរទេសម្នាក់ដែលបាត់បង់ជីវិត ត្រូវបាននគរបាលអោយដឹងថា ឈ្មោះ WANG XUEJIN ភេទប្រុស អាយុ៥៥ឆ្នាំ ជាជនជាតិ ចិន មុខរបរបុគ្គលិកក្រុមហ៊ុនឥណទាន កាន់លិខិតឆ្លងដែនលេខ PE 2069224 ស្នាក់នៅក្នុងបន្ទប់លេខ១៣០៥ជាន់ទី១៣ នៃអគារដុនដូរខាងលើ។
តាមប្រភពព័ត៌មានបានអោយដឹងថា នៅមុនពេលកើតហេតុ មានមិត្តភក្តិស្នាក់នៅក្បែរគ្នា និងជាបុគ្គលិកក្រុមហ៊ុនជាមួយគ្នា បានទូរស័ព្ទទៅបុរសរងគ្រោះរូបនោះ តែមិនលើក ហើយក៏បានទូរស័ព្ទទៅមិត្តភក្តិម្នាក់ទៀត អោយចូលទៅមើលដល់បន្ទប់ ក៍បានបើកទ្វារចូលទៅប្រទះឃើញជនរងគ្រោះបាត់បង់ជីវិតតែម្តង។
តាមប្រភពព័ត៌មានអោយដឹងទៀតថា បន្ទាប់ពីប្រទះឃើញជនរងគ្រោះបាត់បង់ជីវិតបែបនេះ មិត្តភក្តិក៏បានរាយការណ៍ទៅអ្នកមើលការខុសត្រូវខុនដូរាយការណ៍បន្តទៅនគរបាលដើម្បីចុះមកត្រួតពិនិត្យតែម្តង ។
តាមការត្រួតពិនិត្យរបស់នគរបាលបានអោយដឹងថា បុរសរងគ្រោះជាជនជាតិចិនរូបនោះបានបាត់បង់ជីវិតដោយសារគាំងបេះដូង ។ បន្ទាប់ពិនិត្យរួច សពត្រូវបាននគរបាលបញ្ចូនទៅតម្កល់ទុកនៅឈាបនដ្ឋានវត្ដស្ទឹងមានជ័យ ដើម្បីរង់ចាំបងប្អូនមកទទួលយកទៅធ្វើបុណ្យតាមប្រពៃណី៕ (កែសម្រួលដោយ ៖ ធីតា)
ចែករំលែកព័តមាននេះ