ប្រទេសកូរ៉េខាងត្បូង ៖ ចំនួនជនរងគ្រោះដោយសារភ្លៀងធ្លាក់ខ្លាំងនៅកូរ៉េខាងត្បូងរយៈពេល១សប្ដាហ៍មកហើយ មកដល់ថ្ងៃទី៩ ខែសីហា ឆ្នាំ២០២០ បានកើនដល់យ៉ាងតិច៣០នាក់។ ចំណែកមនុស្ស១១នាក់ទៀតបាត់ខ្លួន ព្រមទាំង៨នាក់រងរបួស ។ មនុស្សជិត៤.៥០០នាក់ត្រូវជម្លៀសចេញ ។
យោងតាម YOHAP ថា ភ្លៀងបានធ្លាក់ខ្លាំងបំផុត ក្នុងទូទាំងប្រទេសចាប់តាំងពីថ្ងៃទី១ សីហា
មក ។ ប្រធានាធិបតីកូរ៉េខាងត្បូងលោក MOONJAE IN កាលពីថ្ងៃទី៧ សីហា បានចាត់ទុកតំបន់៧ថា ជាតំបន់រងគ្រោះមហន្តរាយពិសេស ។ មកដល់ថ្ងៃទី៩ សីហា ចំនួនអ្នកបាត់បង់ជីវិតដោយសារទឹកជំនន់ និងការបាក់ដីឡើងដល់៣០នាក់ ហើយមនុស្ស១១នាក់បាត់ខ្លួន ។ មនុស្ស៥នាក់បានបាត់បង់ជីវិតកាលពីថ្ងៃទី៧ សីហាក្នុងការបាក់ដីមួយនៅ GOKSEONG ចម្ងាយប្រមាណជា៤០០គីឡូម៉ែត្រពីក្រុងសេអ៊ូល ។
តុល្យការថ្ងៃទី៩ សីហា មិនបានរាប់បញ្ចូលបណ្ដាជនរងគ្រោះដោយសារការលិចនាវា៣គ្រឿងនៅឯទំនប់ UIAM ចម្ងាយ៨៥គីឡូមែ៉ត្រខាងកើតក្រុងសេអ៊ូលផងទេ ។ ម្យ៉ាងទៀតកូរ៉េខាងត្បូងត្រូវប្រឈមមុខជាមួយនឹងព្យុះមួយ ដែលនឹងនាំឲ្យមានភ្លៀងធ្លាក់កាន់តែខ្លាំងថែមទៀត ៕ ដកស្រង់ចេញពីវេបសាយ ៖ yna (កែសម្រួលដោយ ៖បុប្ផា)
ចែករំលែកព័តមាននេះ