ប្រទេសរុស្ស៊ី ៖ ទីភ្នាក់ងារព័ត៌មានអាមេរិក BLOOMBERG រាយការណ៍ថា រុស្ស៊ីបានធ្វើយុទ្ធនាការជាសម្ងាត់ ចាក់វ៉ាក់សាំងការពារវីរុស COVID-19 សម្រាប់បណ្ដាមហាសេដ្ឋី ប្រធានអគ្គនាយករបស់សហគ្រាសធំៗ ព្រមទាំងបណ្ដាអ្នកទទួលខុសត្រូវខាងនយោបាយ។
ប្រទេសរុស្ស៊ីក្រោមការដឹកនាំរបស់លោកវ្ល៉ាឌីមៀរពូទីន បានកំណត់កាលបរិច្ឆេទពិសេសមួយសម្រាប់ផ្នែកវេជ្ចសាស្ត្រ។ ទិសដៅគឹដើម្បីអាចចាក់វ៉ាក់សាំងការពារដល់ប្រជាជន ឲ្យបានឆាប់បំផុត។ ប្រធានអគ្គនាយកក្រុមហ៊ុនធំៗ បណ្ដាមហាសេដ្ឋីឬបណ្ដាមន្ត្រីជាន់ខ្ពស់ ត្រូវបានចាក់វាំងសាំងការពារមុនគេ។
ដំណាក់កាលនៃការសាកល្បងនោះនឹងនៅតែរក្សាជាការសម្ងាត់ ដើម្បីចៀសវាងពីការសម្រុករបស់ពួកអ្នកស្ម័គ្រចិត្ត។ មនុស្សជាច្រើនរយនាក់អាចទាក់ទិននឹងការចាក់វ៉ាក់សាំង ដោយស្ងាត់ៗនោះ ។ ប៉ុន្តែក៏ទោះបីមនុស្សមួយចំនួនក្នុងចំណោមពួកគេ ប្រកាន់យកការរក្សារឿងនោះជាសម្ងាត់ តែប្រមុខមូលនិធិRDIFដែលជាអ្នកផ្ដល់ហិរញ្ញវត្ថុ ដល់ការស្រាវជ្រាវផលិតវ៉ាក់សាំងមួយនៅរស្ស៊ី លោកKIRILL DMITRIEVទទួលស្គាល់ថា រូបលោកនិងគ្រួសារលោក បានទទួលការចាក់វ៉ាក់សាំងនេះ។
នោះជាវ៉ាក់សាំងដែលផលិតដោយវិទ្យាស្ថានស្រាវជ្រាវGAMALEYAក្រុងមូស្គូ។ ដំណាក់កាលដំបូងនៃការធ្វើតេស្តវ៉ាក់នោះជាផ្លូវការធ្វើលើបណ្ដាបុគ្គលិកយោធាដោយការសាកល្បងនេះ បានបញ្ចប់កាលពីសប្ដាហ៍មុន៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ