អាមេរិក ៖ តាមប្រភពព័ត៌មាន CNN បានឱ្យដឹងថា រាត្រីដ៏ធំបំផុតរបស់តារាខ្សែភាពយន្ត ក្នុងការទទួលពានដ៏មានកិត្តិយស ត្រូវបានសម្រេចលើកថ្ងៃជាលើកដំបូងក្នុងរយៈពេល៤០ឆ្នាំកន្លងមក ដោយសារតែការរីករាលដាលនៃជំងឺកូវីដ១៩។ បណ្ឌិត្យសភាចលនាសិល្បៈ…
អាមេរិក ៖ តាមប្រភពព័ត៌មាន CNN បានឱ្យដឹងថា រាត្រីដ៏ធំបំផុតរបស់តារាខ្សែភាពយន្ត ក្នុងការទទួលពានដ៏មានកិត្តិយស ត្រូវបានសម្រេចលើកថ្ងៃជាលើកដំបូងក្នុងរយៈពេល៤០ឆ្នាំកន្លងមក ដោយសារតែការរីករាលដាលនៃជំងឺកូវីដ១៩។
បណ្ឌិត្យសភាចលនាសិល្បៈ និងវិទ្យាសាស្ត្រ បានប្រកាសនៅថ្ងៃច័ន្ទថា ពានរង្វាន់អូស្ការលើកទី៩៣ នឹងមិនអាចប្រព្រឹត្តទៅនៅឆ្នាំនេះបានទេ ហើយនឹងលើកទៅថ្ងៃទី២៥ ខែមេសា ឆ្នាំ២០២១ ជំនួសវិញ។
ប្រធានបណ្ឌិត្យសភាលោក David Rubin និង នាយកប្រតិបត្តិបណ្ឌិតសភា Dawn Hudson បាននិយាយនៅក្នុងសេចក្តីថ្លែងការណ៍រួមមួយថា៖ «អស់រយៈពេលជាងមួយសតវត្សរ៍ ខ្សែភាព យន្តបានដើរតួយ៉ាងសំខាន់ក្នុងការលួងលោម លើកទឹកចិត្ត និងផ្តល់ការកម្សាន្តដល់ពួកយើងក្នុងពេលមានភាពងងឹតបំផុត។ ឆ្នាំនេះក៏ដូចគ្នា។ ការលើកពេលប្រគល់ពាននេះ គឺយើងគិតថា អ្នកផលិតរឿងត្រូវការបញ្ចប់រឿង និងចេញផ្សាយខ្សែភាពយន្តរបស់ពួកគេ ដោយមិនត្រូវបានគេពិន័យ ព្រោះតែត្រូវលើកពេល»។
បន្ថែមពីលើការពន្យាពេល បណ្ឌិត្យសភាបានយល់ព្រមពន្យារពេលបន្ថែមសម្រាប់កុន ដែលអាចផលិតឱ្យទាន់មុនពេលកម្មវិធីប្រគល់ពានអូស្ការ។ ដូចនេះ ពេលដែលអ្នកផលិតរឿងត្រូវធ្វើឱ្យបានមុនពេលកម្មវិធី គឺនៅថ្ងៃទី២៨ ខែកុម្ភៈ ឆ្នាំ២០២១ និង ត្រូវទទួលពាននៅថ្ងៃទី២៥ ខែ មេសា ឆ្នាំ២០២១៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ