ចិន ៖ តាមប្រភពព័ត៌មាន Metro បានឱ្យដឹងថា អាជ្ញាធរចិនបានបិទទីផ្សារស្បៀងអាហារចំនួនពីរ នៅទីក្រុងប៉េកាំង និងបានហាមឃាត់ទេសចរណ៍មិនឱ្យចូលទៅក្នុងរដ្ឋធានី បន្ទាប់ពីមានករណីថ្មីបានបង្កឱ្យមានការភ័យខ្លាចនៃរលកទី២។ មន្ត្រីផ្លូវការមួយដែលគ្រប់គ្រងស្រុកហ្វុងតាយ…
ចិន ៖ តាមប្រភពព័ត៌មាន Metro បានឱ្យដឹងថា អាជ្ញាធរចិនបានបិទទីផ្សារស្បៀងអាហារចំនួនពីរ នៅទីក្រុងប៉េកាំង និងបានហាមឃាត់ទេសចរណ៍មិនឱ្យចូលទៅក្នុងរដ្ឋធានី បន្ទាប់ពីមានករណីថ្មីបានបង្កឱ្យមានការភ័យខ្លាចនៃរលកទី២។
មន្ត្រីផ្លូវការមួយដែលគ្រប់គ្រងស្រុកហ្វុងតាយ នៃទីប្រជុំជនដែលមានទីតាំងនៅផ្សារបានប្រាប់សន្និសីទសារព័ត៌មាននៅថ្ងៃនេះថា តំបន់ទាំងមូលនឹងត្រូវដាក់ចូលក្នុងភាពមានអាសន្ន។ សហគមន៍ចំនួន១១ ត្រូវបានបិទទ្វារ ហើយសាលាបឋមសិក្សាចំនួន៣ និង សាលាមើលថែក្មេងៗចំនួន ៦ ក៏ត្រូវបានបិទផងដែរ។
ក្រុមមន្ត្រីបានធ្វើការស៊ើបអង្កេត បន្ទាប់ពីរកឃើញករណីឆ្លងមេរោគកូវីដ១៩ថ្មី ចំនួន៦ នៅក្នុងទីក្រុងប៉េកាំង កាលពីថ្ងៃសុក្រ ដែលធ្លាប់បានទៅផ្សារបោះដុំក្នុងស្រុក Xinfadi។ ក្នុងចំណោមមនុស្សចំនួន ៥១៧នាក់ ដែលមានកម្មករ និងអតិថិជននៅទីផ្សារ ដែលត្រូវបានគេធ្វើតេស្ត ក្នុងនោះមានមនុស្សចំនួន ៤៥នាក់ ត្រូវបានរកឃើញថា មានជំងឺនេះ បើទោះបីជាគ្មានរោគសញ្ញាក៏ដោយ។
ផ្សារអាហារសមុទ្រមួយ ដែលអ្នកជំងឺម្នាក់ធ្លាប់បានចូល ក៏ត្រូវបានបិទដែរ។ អាជ្ញាធរក្រុងប៉េកាំង បាននិយាយថា មនុស្សជាង ១ម៉ឺននាក់ដែលចូលផ្សារ Xinfadi នឹងត្រូវធ្វើតេស្ត៕ ដកស្រង់ចេញពីវេបសាយ ៖ metro (កែសម្រួលដោយ ៖ បុប្ផា)
ចែករំលែកព័តមាននេះ