ប្រទេសរុស្ស៊ី ៖ យោងតាមរ៉យទ័រកងទ័ពអាមេរិកអះអាងនាថ្ងៃទី២៧ ឧសភាថា កងទ័ពរុស្ស៊ីបានបញ្ជូនយន្តហោះប្រយុទ្ធធុន MIG29 និង SU-24 ចំនួន១៤គ្រឿងទៅកាន់មូលដ្ឋានយោធាលីប៊ីនានា និងហៅការដាក់ពង្រាយនេះថា ជាប្រភពនៃការបង្កើនជម្លោះក្នុងប្រទេសនេះ ។
ប្រទេសរុស្ស៊ីជាអ្នកគាំទ្រចំពោះកងទ័ព ជាតិលីប៊ីរបស់សេនាប្រមុខខាលីហ្វាហាហ្វតារ បុរសខ្លាំងភាគខាងកើតលីប៊ី ដែលបានបើកធ្វើកាលពីខែមេសា ឆ្នាំ២០១៩ នូវការវាយលុកមួយ ប្រឆាំងក្រុងទ្រីប៉ូលី រដ្ឋធានីកាន់កាប់ដោយកងកម្លាំងរដ្ឋាភិបាលរួបរួមជាតិ ទទួលស្គាល់ដោយសហគមន៍អន្តរជាតិ ចាប់តាំងពីឆ្នាំ២០១៥មក និងគាំទ្រខាងយោធាដោយតួកគី ។
កងទ័ពអាមេរិកធ្លាប់ចោទប្រកាន់រួចហើយ កាលពីថៃ្ងទី២៦ ឧសភា ចំពោះរុស្សីថា ដាក់ពង្រាយបណ្ដាយន្តហោះប្រយុទ្ធនៅលីប៊ីជាប្រទេសមួយស្ថិតក្រោមការឡោមព័ទ្ធអាវុធជាអន្តរជាតិ ។ តាម TWITTER កងទ័ពអាមេរិក អះអាងថា បណ្ដាយន្តហោះត្រូវបានផ្ទេរទៅកាន់លីប៊ីដោយកងទ័ពរុស្ស៊ី និងថាយន្តហោះទាំងនោះត្រូវបានអមការពារ ដោយ បណ្ដាយន្តហោះរបស់កងទ័ពរុស្ស៊ីដែរ ។
ដំបូងយន្តហោះទាំងនេះហោះទៅចតនៅក្រុង TOBROUK ភាគខាងកើតលីប៊ីមុនពេលហោះទៅកាន់ក្រុង JOUFFRAជាទីក្រុងមួយនាភាគកណ្ដាលប្រទេសទីតាំងរបស់កងទ័ពជាតិលីប៊ី ។
កងទ័ពរបស់សេនាប្រមុខខាលីហ្វាតរយៈពេលប៉ុន្មានសប្ដាហ៍ចុងក្រោយនេះរងការវាយបកខាងយោធាពីសំណាក់កងកម្លាំងរដ្ឋាភិបាលរួបរួមជាតិ ហើយបង្ខំចិត្តវាយដកថយពីក្រុងទ្រីប៉ូលី ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ