រាជធានីភ្នំពេញ ៖ ជនជាប់ចោទលោក កឹម សុខា បានបន្ថែមមេធាវីម្នាក់ទៀតសរុបមានមេធាវីចំនួន៩រូបដើម្បីតទល់ជាមួយតុលាការលើបទចោទប្រកាន់សន្និដ្ឋិភាពជាមួយបរទេសមាត្រា៤៤៣ នៃក្រមព្រហ្មទណ្ឌក្នុងគោលបំណងដោះបន្ទុកពីបទចោទនេះ ។ លោក គី…
រាជធានីភ្នំពេញ ៖ ជនជាប់ចោទលោក កឹម សុខា បានបន្ថែមមេធាវីម្នាក់ទៀតសរុបមានមេធាវីចំនួន៩រូបដើម្បីតទល់ជាមួយតុលាការលើបទចោទប្រកាន់សន្និដ្ឋិភាពជាមួយបរទេសមាត្រា៤៤៣ នៃក្រមព្រហ្មទណ្ឌក្នុងគោលបំណងដោះបន្ទុកពីបទចោទនេះ ។
លោក គី តិច មេធាវីតំណាងរាជរដ្ឋាភិបាលបានលើកឡើងថា ចូលដល់សប្តាហ៍ទី៣នៃសំណុំរឿងនេះតំណាងអយ្យការបានបន្តសួរជនជាប់ចោទ ។ លោក គី តិច បានអះអាងថាលោក កឹម សុខា បានដាក់មេធាវីចំនួន៩រូបដើម្បីតតាំងក្តីជាមួយតុលាការនៅព្រឹកថ្ងៃទី២៩ មករា នេះ ។ ចាប់តាំងពីពេលចាប់ខ្លួនលោក កឹម សុខា មានមេធាវីចំនួន៩រូបហើយសម្រាប់ការពារសិទ្ធិជនជាប់ចោទដើម្បីតតាំងជាមួយតុលាការតាមបទចោទខាងលើ ។
លោកមេធាវីបានបញ្ជាក់ថា នៅពេលរសៀលថ្ងែទី២៩ មករា តុលាការនឹងលើកយកសំណុំរឿងដែលទាក់ទងកំឡុងពីឆ្នាំ២០០៧ដល់ឆ្នាំ២០១២ ។ ពេលមួយព្រឹកថ្ងៃនេះមានការជជែកគ្នាលើសម្លេង វីដេអូឃ្លីប ដែលជនជាប់ចោទបានលើកឡើងថា «គេ» មានន័យបែបណាពាក់ព័ន្ធជនបរទេស ឬប្រទេសណាដែលនាំឲ្យជំរុញឲ្យជនជាប់ចោទប្រព្រឹត្ត ។
ចំណែកលោកមេធាវី ហេង ផេង ការពារសិទ្ធិជនជាប់ចោទថា បទចោទនេះតុលាការគួរលើកអង្គហេតុមកបញ្ជាក់ព្រោះចោទថា ត្រូវជាមួយបរទេសគួរណារហៅបរទេសណា ឬម៉េចបានជាចាប់តែលោក កឹម សុខា នាំយកមកកាន់ទោសតែម្នាក់ដោយគ្រាន់តែយកសំដីរបស់លោក កឹម សុខា មកនិយាយដែលមិនមែនជាអង្គហេតុ ។ លោកមេធាវី ហេង ផេង បន្តថាបើចោទថា ត្រូវរ៉ូវជាមួយជនជាតិអាមេរិកណានាំយកមកចូលរួមផង ។ លោកមេធាវីទទួលស្គាល់ថា អ្វីដែលលោក កឹម សុខា បាននិយាយក្នុងនាមអ្នកតំណាងរាស្ត្រ និងការសំដែងមតិមិនមែនចង់ផ្តួលរំលំរដ្ឋាភិបាលដូចបទចោទទេ ។
សូមជម្រាបថា ពេញមួយថ្ងៃទី២៩ មករា នៅក្នុងសវនាការចៅក្រមបានចោទសួរលោក កឹម សុខា តែលើខ្សែវីដេអូ និងសំឡេងដែលលោកបានលើកឡើងដើម្បីឆ្លើយតបទៅនឹងបទចោទប្រកាន់ ។ តែសវនាការបានធ្វើឡើងនៅចំពោះមុខភាគីសងខាង មេធាវីជនជាប់ចោទ មេធាវីតំណាងរាជរដ្ឋាភិបាល និងជនជាប់ចោទនៅក្នុងបន្ទប់សវនាការតូចចង្អៀតមានមនុស្សត្រឹមតែជាង៣០នាក់ឃ្លាំងមើលប៉ុណ្ណោះ ៕
កែសម្រួលដោយ ៖ សំណាង
ចែករំលែកព័តមាននេះ