ប្រទេសវៀតណាមនិយាយថា បំណែកធំៗត្រូវបានគេប្រទះឃើញក្នុងដែនទឹកនៃខេត្តបាវៀងវង់តាវ ភាគខាងត្បូងប្រទេសនេះកាលពីយប់ថ្ងៃទី១០ មីនា ។ យោងតាមគណៈកម្មាធិការជាតិវៀតណាមទទួលបន្ទុកតាមរុករក និងជួួយសង្គ្រោះថា កាលពីល្ងាចថ្ងៃទី១០ មីនា ផ្នែកគ្រប់គ្រងការហោះហើរតាមអាកាសរបស់ហុងកុងបានរាយការណ៍ប្រាប់ថា យន្តហោះពាណិជ្ជកម្មមួយគ្រឿងរបស់ក្រុងហុង
ប្រទេសវៀតណាមនិយាយថា បំណែកធំៗត្រូវបានគេប្រទះឃើញក្នុងដែនទឹកនៃខេត្តបាវៀងវង់តាវ ភាគខាងត្បូងប្រទេសនេះកាលពីយប់ថ្ងៃទី១០ មីនា ។ យោងតាមគណៈកម្មាធិការជាតិវៀតណាមទទួលបន្ទុកតាមរុករក និងជួួយសង្គ្រោះថា កាលពីល្ងាចថ្ងៃទី១០ មីនា ផ្នែកគ្រប់គ្រងការហោះហើរតាមអាកាសរបស់ហុងកុងបានរាយការណ៍ប្រាប់ថា យន្តហោះពាណិជ្ជកម្មមួយគ្រឿងរបស់ក្រុងហុងកុងបានប្រទះឃើញបំណែកធំៗជាច្រើនក្នុងទឹកសមុទ្រត្រង់កន្លែងមួយចម្ងាយប្រមាណជា៦០គីឡូម៉ែត្រ ភាគអាគ្នេយ៍CAP O CAP ខេត្តបារៀងវង់តាវ ។
លោកLE VAN CHIEN នាយកនៃអាជ្ញាធរកំពង់ផែវង់តាវ ថ្លែងប្រាប់កាសែតវៀតណាមVN EXPRESS ថា ការខិតខំប្រឹងប្រែងត្រូវបានធ្វើដើម្បីតាមរកបំណែកទាំងនោះ ហើយចង់ដឹងថាតើវាជាបំណែកយន្តហោះជើងហោះហើរMH370 ប្រាកដមែន ឬយ៉ាងណា ។ ដោយសារមាននាវានេសាទយ៉ាងច្រើននៅតំបន់នោះ អាជ្ញាធរកំពង់ផែវង់តាវបានស្នើដល់កងឆ្នាំឆ្នេរសមុទ្រ នាវាផ្សេងៗ និងបណ្តានាវានេសាទឱ្យរួមសហការគ្នាជួយរកបំណែកទាំងនេះ ។ ក៏ប៉ុន្តែអាជ្ញាធរកំពង់ផែវង់តាវ និយាយថាបំណែកទាំងនោះវាអាចជាវត្ថុដែលពួកអ្នកនេសាទបោះចោល ។
មុននេះមានសេចក្តីរាយការណ៍ពីការប្រទះឃើញប្រេងអណ្តែតលើសមុទ្រ តែនៅពុំទាន់អាចច្បាស់ថា ប្រេងនោះចេញពីយន្តហោះដែលបាត់ ឬយ៉ាងណាឡើយ ។ ពួកអ្នកឯកទេសពិតជាវិលក្បុង ព្រោះប៉ុន្មានថ្ងៃហើយគេពុំអាចរកឃើញដានឱ្យប្រាកដបប្រជា ។ ក៏ប៉ុន្តែពួកអ្នកឯកទេសមិនបដិសេធដែរអំពីលទ្ធភាពនៃការវាយប្រហារភេរវកម្មមួយ ឬមកពីគ្រោះថ្នាក់ដ៏សែនកម្របំផុតណាមួយ ៕
ចែករំលែកព័តមាននេះ