ខេត្តក្រចេះ ៖ មេព្រៃស្រុកស្នួលបានចាប់ឃាត់រថយន្តយីឌុបមួយគ្រឿងកាលពីយប់ថ្ងៃទី១៧ ធ្នូ ២០១៣ ខណៈដែលរថយន្តយក្សមួយគ្រឿងនេះមានលួចដឹកឈើអារលេខ១លើសច្បាប់អនុញ្ញាតដែលបានកំណត់ឱ្យនាំឈើពីក្រុមហ៊ុន ។
ការចាប់ឃាត់រថយន្តយីឌុបនេះ បានធ្វើឡើងពីសំណាក់ក្រុមសមត្ថកិច្ចចម្រុះស្រុកស្នួលក្រោមការដឹកនាំរបស់ស្ថាប័នរដ្ឋបាលព្រៃឈើស្នួល ។ ដោយក្នុងសកម្មភាពនេះ គេសង្កេតឃើញថា សមត្ថកិច្ចពុំបានចាប់ឃាត់ជនណាម្នាក់ក្នុងជំនួញនាំឈើខុសច្បាប់នេះទេ ដោយគ្រាន់តែគេដឹងថា មានរថយន្តយីឌុបពណ៌ត្រេអ៊ីមួយគ្រឿងបានចាប់ឃាត់ជាមួយនិងឈើអារលេខ១ប្រភេទផ្ចឹក និងសុក្រម មានចំនួនរាប់រយកំណាត់ជាច្រើនម៉ែត្រគូបដែលផ្ទុកលើរថយន្តមួយគ្រឿងនេះ ។
លោកទៀប គន្ធពិដោ នាយសង្កាត់រដ្ឋបាលព្រៃឃ្សឹមបានឱ្យដឹងថា រថយន្តយីឌុបដឹកឈើខុសច្បាប់មួយគ្រឿងនេះត្រូវបានកម្លាំងជំនាញសហការជាមួយកម្លាំងនគរបាលស្រុកស្នួលស្ទាក់ចាប់បាននៅលើផ្លូវជាតិលេខ៧ នៅមុខសង្កាត់រដ្ឋបាលព្រៃឈើឃ្សឹមក្នុងស្រុកស្នួល ខេត្តក្រចេះ ។
ចែករំលែកព័តមាននេះ