រាជធានីភ្នំពេញ ៖ ក្តីរំពឹងទុករបស់មហាជនទូទៅបានស្តែងឱ្យឃើញហើយ បន្ទាប់ពីតារាសម្តែង និងម៉ូដែលលំដាប់ប្រទេសនាង សារ៉ាយ សក្ខណា ប្រកាសថា នាងបានកាត់រ៉ូបសម្លៀកបំពាក់យ៉ាងពិសេសប្រណីតបំផុតតម្លៃ១ម៉ឺន ដុល្លារ ដែលរចនាម៉ូដពីហាងកាត់ដេរ «ប៉ារ៉ាឌី» ។
សក្ខណាបានគ្រង រ៉ូបតម្លៃ១ម៉ឺនដុល្លារមែន នៃនាទីចុងក្រោយនៃរៀបការក្នុងពិធីកាត់នំដោយយប់ជិតម៉ោង១០ទៅ ហើយ បណ្តាភ្ញៀវដែលចូលរួមកកកុញនៅទីនោះម្នាក់តំអក់អត់ទៅណាទេ ព្រោះចង់ឃើញនាងនាងគ្រងឈុតនោះតើពិសេសបែបណា ។ បន្ទាប់ពីនាងបង្ហាញជាផ្លូវការមក ភ្ញៀវនៅទីនោះម្នាក់ៗលាន់មាត់ថា ក្រណាត់ប៉ាក់ពណ៌កាកអំពៅ ជាក្រណាត់ប៉ាក់ធម្មតា តែមានតម្លៃខ្លាំងលើការរចនាម៉ូដ និងប៉ាក់ដិនត្បូងនៅលើដងខ្លួនយ៉ាងពិសេសច្រើនគ្រាប់ដែលបង្ហាញពីភាពអត់ធ្មត់ខ្លាំងពីអ្នកស្ថាបនា ។ គ្រានោះម្នាក់ៗនាំគ្នាយកម៉ាស៊ីនថតរូបគ្រប់ៗគ្នាប្រដេញគ្នាតាមថតរ៉ូបការរបស់នាង ឯអ្នកកាសែតមកពីគ្រប់ស្ថាប័នក៏នាំគ្នាស្ទុះទៅថងរ៉ូបយ៉ាងញាប់ដៃជើងយកមកចែកជូនអ្នកតាមដាន ។
អ្វីកាន់តែប្លែក សារ៉ាយ សក្ខណា បានស្រក់ទឹកភ្នែកសាជាថ្មីពេលកំពុងគ្រងឈុតដ៏មានតម្លៃនោះ ដោយសារទប់អារម្មណ៍មិនបាន ហើយនាងថែមទាំងលើកដៃសំពះក្រាបក្បាលដល់ចុងជើងឪពុកម្តាយបង្កើតរបស់នាង ដើម្បីសុំខមាទោសរាល់ការខុសឆ្គងកន្លងមក នៅចំពោះមុខភ្ញៀវយ៉ាងច្រើនធ្វើឱ្យម្តាយ និងឪពុកនាងស្រក់ទឹកភ្នែកនៅចំពោះមុខកូនទាំង២ដោយមិនដឹងខ្លួន ។ ទោះយ៉ាងណាបរិយាកាសប្រែមកល្អរីករាយឡើងវិញ ដោយសារតែស្វាមីរបស់សក្ខណា លោកមេត្រី សន្យាថា ស្រឡាញ់ពេញមួយជីវិតមិនឱ្យភរិយាដ៏ស្រស់ស្អាតនេះខកចិត្តឡើយ ។
ចែករំលែកព័តមាននេះ