រាជធានីភ្នំពេញ ៖ បុរសម្នាក់ត្រូវបានប្រទះឃើញដេកដួលស្តូកស្តឹងនៅមុខព្រះឆាយាល័ក្ខណ៍ព្រះមហាក្សត្រ សម្តេចព្រះនរោត្តម សីហមុនី ស្ថិតនៅលើសួនច្បារខាងលិចវិមានឯករាជ្យ ស្ថិតក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង១១ និង៣០នាទីព្រឹក ថ្ងៃទី៤ វិច្ឆិកា ២០១៣ នេះដោយមិនដឹងថាបណ្តាលមកពីមូលហេតុអ្វីឡើយ។
រាជធានីភ្នំពេញ ៖ បុរសម្នាក់ត្រូវបានប្រទះឃើញដេកដួលស្តូកស្តឹងនៅមុខព្រះឆាយាល័ក្ខណ៍ព្រះមហាក្សត្រ សម្តេចព្រះនរោត្តម សីហមុនី ស្ថិតនៅលើសួនច្បារខាងលិចវិមានឯករាជ្យ ស្ថិតក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង១១ និង៣០នាទីព្រឹក ថ្ងៃទី៤ វិច្ឆិកា ២០១៣ នេះដោយមិនដឹងថាបណ្តាលមកពីមូលហេតុអ្វីឡើយ។
តាមប្រភពព័ត៌មានពីកន្លែងកើតហេតុបានឱ្យដឹងថា បុរសរងគ្រោះខាងលើនេះជិះម៉ូតូមួយគ្រឿងម៉ាកសាន់យ៉ាន់សេ១២៥ មកដល់មុខព្រះឆាយាល័ក្ខណ៍ព្រះមហាក្សត្រក៏បានឈប់ម៉ូតូថ្វាយបង្គំ ហើយក្រោយពីថ្វាយបង្គំរួចហើយ ស្រាប់តែដេកដួលសន្លប់តែម្តងមិនដឹងថា បណ្តាលមកពីមូលហេតុអ្វីច្បាស់លាស់ឡើយ ។ ក្រោយពីឃើញហេតុការណ៍នេះ សមត្ថកិច្ចនគរបាលចរាចរន៍ និងនគរបាលប៉ុស្តិ៍បឹងកេងកងទី១បានទំនាក់ទំនងទៅរថយន្តសាមុយដឹកទៅសង្គ្រោះនៅមន្ទីរពេទ្យកាល់ម៉ែត។ ចំណែកម៉ូតូត្រូវសមត្ថកិច្ចយកទៅរក្សាទុកនៅទីស្នាក់ការនគរបាលប៉ុស្តិ៍បឹងកេងកងទី១។
ជុំវិញបញ្ហានេះ មិនទាន់មានប្រភពច្បាស់ការអាចបញ្ជាក់បានថា គាត់មានឈ្មោះអ្វីនៅឡើយទេ ដោយសារគាត់គ្មានប័ណ្ណសម្គាល់ខ្លួន។ ពាក់ព័ន្ធនឹងបញ្ហានេះក៏ជាការអំពាវនាវមួយទៅដល់ក្រុមគ្រួសារដែលមានសមាជិកដូចភិនភាគខាងលើនេះសូមជួយទៅពិនិត្យមើលគាត់នៅមន្ទីរពេទ្យកាល់ម៉ែត៕
ចែករំលែកព័តមាននេះ