រាជធានីភ្នំពេញ ៖ ស្ត្រីជនជាតិជប៉ុនម្នាក់ដែលត្រូវក្រុមប្រដាប់អាវុធជិះម៉ូតូធ្វើ សកម្មភាពឆក់កាបូប និងបា.ញ់ បណ្តាលឱ្យបាក់ភ្លៅខាងឆ្វេង កាលពីយប់មិញនេះ បានធូរស្រាលហើយ កំពុងសម្រាកនៅមន្ទីរពេទ្យកាល់ម៉ែត ។
គួររំលឹកថា កាលពីម៉ោង៨យប់ថ្ងៃទី២៨ កញ្ញា ២០១៣ ស្ត្រីជនជាតិជប៉ុនម្នាក់ត្រូវជនប្រដាប់អាវុធជិះម៉ូតូធ្វើសកម្មភាពឆក់កាបូប
រាជធានីភ្នំពេញ ៖ ស្ត្រីជនជាតិជប៉ុនម្នាក់ដែលត្រូវក្រុមប្រដាប់អាវុធជិះម៉ូតូធ្វើ សកម្មភាពឆក់កាបូប និងបាញ់ បណ្តាលឱ្យបាក់ភ្លៅខាងឆ្វេង កាលពីយប់មិញនេះ បានធូរស្រាលហើយ កំពុងសម្រាកនៅមន្ទីរពេទ្យកាល់ម៉ែត ។
គួររំលឹកថា កាលពីម៉ោង៨យប់ថ្ងៃទី២៨ កញ្ញា ២០១៣ ស្ត្រីជនជាតិជប៉ុនម្នាក់ត្រូវជនប្រដាប់អាវុធជិះម៉ូតូធ្វើសកម្មភាពឆក់កាបូប និងបាញ់បណ្តាលឱ្យបាក់ភ្លៅខាងឆ្វេងនៅចំណុចផ្លូវកែងលេខ១៣ និង១១០ (ខាងត្បូងផ្សារចាស់) ស្ថិតក្នុងសង្កាត់វត្តភ្នំ ខណ្ឌដូនពេញ។
ស្ត្រីរងគ្រោះជាជនជាតិជប៉ុនដែលរងគ្រោះក្នុងអំពើប្លន់កណ្តាលមហាជននេះត្រូវបានគេស្គាល់ឈ្មោះ SAKIKOTAKAYANACI អាយុ៣៣ឆ្នាំ លិខិតឆ្លងដែនលេខ TK ៩៧២៨៨៧៦ ជាអ្នកទេសចរ ស្នាក់នៅសណ្ឋាគារប៉ាស៊ីហ្វិក ស្ថិតសង្កាត់ផ្សារថ្មី២ ខណ្ឌដូនពេញ ជនរងគ្រោះមកទស្សនាចរនៅកម្ពុជា ចំនួន៥ថ្ងៃ ហើយនៅថ្ងៃទី១ ស្ត្រីរងគ្រោះត្រូវគ្រាប់តែម្តង។
ស្ត្រីរងគ្រោះបានប្រាប់សមត្ថកិច្ចថា នៅមុនពេលកើតហេតុស្ត្រីរងគ្រោះ និងប្អូនស្រីបាននាំគ្នាដើរចេញពីក្នុងផ្សាររាត្រី ក្រោយពីនាំគ្នាមើលការលក់ទំនិញនៅទីនោះ ខណៈពេលដើរមកដល់ចំណុចកើតហេតុខាងលើ ស្រាប់តែមានជនសង្ស័យ២នាក់ ជិះម៉ូតូម៉ាកសេ១២៥ ពណ៌ខ្មៅ ធ្វើសកម្មភាពឆក់យកកាបូបរបស់គាត់ និងបាញ់មួយគ្រាប់ បណ្តាលឲ្យត្រូវចំភ្លៅខាងឆ្វេង។ សាក្សីម្នាក់បាននិយាយឲ្យសមត្ថកិច្ចដឹងថា ខណៈជនសង្ស័យឆក់កាបូបនោះស្រ្តីរងគ្រោះបានព្យាយាមប្រទាញប្រទង់គ្នាជាមួយក្រុមជនសង្ស័យ ហើយជនសង្ស័យម្នាក់បានដកកាំភ្លើងខ្លីបាញ់មួយគ្រាប់ត្រូវចំភ្លៅខាងឆ្វេង បណ្តាលឲ្យជនរងគ្រោះដេកដួលលើថ្នល់ បន្ទាប់មកជនសង្ស័យក៏ជិះម៉ូតូគេចខ្លួនតាមផ្លូវលេខ១១០ ឆ្ពោះទៅទិសខាងលិចបាត់ទៅ។
សមត្ថកិច្ចបានឲ្យដឹងទៀតថា នៅកន្លែកើតហេតុសមត្ថកិច្ចរកឃើញសំបកគ្រាប់មួយ ជាប្រភេទកា៥៤ ហើយស្ត្រីរងគ្រោះត្រូវចំភ្លៅខាងឆ្វេងគ្រាប់បៀម ប៉ុន្តែគ្រូពេទ្យបានវះយកក្បាលចេញដោយសុវត្ថិភាពមិនបណ្តាលឲ្យចំឆ្អឹងនោះទេ។ ពេលនេះសមត្ថកិច្ចជំនាញបានកំណត់មុខសញ្ញាជនដល់ និងកំពុងធ្វើការស្រាវជ្រាវឈានទៅចាប់ខ្លួនជនសង្ស័យ។
មន្ត្រីសាលាខណ្ឌដូនពេញមួយរូបបាននិយាយថា នៅក្នុងរយៈពេលថ្មីៗនេះ សកម្មភាពប្លន់ និងឆក់ ដោយប្រដាប់អាវុធ ហាក់បីដូចជា កំរើកឡើងវិញ ប៉ុន្តែកម្លាំងសមត្ថកិច្ចជំនាញទាំងអស់ ទាំងនគរបាល និងអាវុធហត្ថ បាននិងកំពុងធ្វើការតាមដាន យ៉ាងយកចិត្តទុកដាក់ និងស្រាវជ្រាវករណីទាំងនេះផងដែរ៕
ចែករំលែកព័តមាននេះ