ការប្រកួតកីឡាចំបាប់ជ្រើសរើសជើងឯកជាតិឆ្នាំ២០១៣ ដែលបានចាប់ផ្ដើមកាលពីថ្ងៃទី ២០ ឧសភាឆ្នាំ២០១៣នៅពហុកីឡដ្ធានជាតិអូឡាំពិក រាជធានីភ្នំពេញ ស្ថិតក្នុងសាលដំបូលទូកនោះ បានបិទបញ្ចប់ហើយនៅល្ងាចថ្ងៃទី២៤ ឧសភាឆ្នាំ២០១៣ដោយមានការ ចូលរួមប្រគល់ពានរង្វាន់ជ័យលាភី ពីសំណាក់ លោកប៊ូជុំសេរី អនុរដ្ធលេខាធិការក្រសួងអប់រំ យុវជននិងកីឡា និងភ្ងៀវកិត្តិយស្ត គណះប្រតិភូកីឡា ជាច្រើននាក់ចូលរួម ។
មានប្រសាសន៏ក្នុងឧកាសនោះ លោកប៊ូជុំសេរី បានថ្លែងអោយដឹងថាការរៀបចំប្រកួតកីឡាចំបាប់នេះ បានផ្តល់ ឲ្យកីឡាករកីឡាការិនីយើង បញ្ចេញនូវសម្ថភាពទេពកោសល្យ និងជាបទពិសោធន៏ ដើម្បីដកស្រង់ យកចំណុចខ្លាំង និងចំណុចខ្សោយ ហើយកែប្រែដុសខាត់រាល់ចំណុចខ្វះខាត។ទន្ទឹមនិងនេះការរៀបចំការប្រកួតកីឡាចំបាប់នេះ បានចូលរួមអភិរក្ស និងអភិវឌ្ឍន៏ ជាពិសេសចំបាប់បុរាណដែលជាមរតករបស់ដូនតាយើងបានបន្សល់ទុកមុន សម័យអង្គររហូតដល់បច្ចុប្បន្ននេះ ដូច្នេះការរៀបចំព្រឹត្តការណ៏នេះគឺកាន់តែធ្វើអោយប្រជាជនក្នុងប្រទេស និងក្រៅប្រទេសបានស្គាល់ និងគាំទ្រប្រភេទកីឡានេះរហូតតទៅ។
សម្រាប់លទ្ធិផលវិញ្ញសារនៃការប្រកួត នោះគឺ៖
-ប្រភេទ ចំបាប់សម័យបុរសទម្ងន់ ៥១ គីឡូក្រាម ចំណាត់ថ្នាក់លេខ ១ បានទៅកីឡាករចាប លិញ ,លេខ ២ កីឡាករម៉ុល រស្មី និង លេខ ៣ កីឡាករជា បូណារ៉ានិងជា ជិននាង ពួកគេទាំង ៤ នាក់មកពីក្លឹបក្រសួងមហាផ្ទៃជាមួយគ្នា ។
-ចំបាប់សម័យផ្នែកបុរសទម្ងន់៥៥គីឡូក្រាម លេខ១ កីឡាករ ជុន ធូ,លេខ២ យឹង សំណាង, លេខ៣ កីឡាករ រស់ ផល្លី និង អេង វាសនា ពួកគេទាំងបួនមកពីលឹបក្រសួងមហាផ្ទៃជាមួយគ្នា។
-ចំបាប់សម័យប្រភេទទម្ងន់ ៦០ គីឡូក្រាមបុរស ដែលអ្នកជាប់ចំណាត់ថ្នាក់ ទាំង ៤ មកពីសមាគមក្រសួងមហាផ្ទៃដែរនោះ លេខ ១ កីឡាករកាង ដែនពិសិដ្ឋ ,លេខ ២ កីឡាករងួន មករា និង ចំណាត់ថ្នាក់លេខ ៣ បានទៅកីឡាករជុន ធួន និង ឆាំង ពិស៊ិន ។
-ទម្ងន់សេរីបុរស ចំណាត់ថ្នាក់លេខ ១ កីឡាករឌន សៅ, លេខ ២ងួន មករា, និងលេខ ៣ ស្ទួនងួន គឹមហេង និង ទ្រី ប៊ុនធឿនដែលពួកគេមកពីសមគមក្រសួងមហាផ្ទៃទាំងអស់គ្នា ។
-ចំបាប់សម័យនារីប្រភេទទម្ងន់ ៤៨ គីឡូក្រាម ដោយចំណាត់ថ្នាក់លេខ ១ កីឡាការិនីចូវ សុធារ៉ា, លេខ ២ កីឡាការិនីភឿង ស្រីមុំ ទាំងពីនាក់មកពីសមាគមក្រសួងមហាផ្ទៃ និង លេខ ៣ ស្ទួនកីឡាការិនីឈាង ចរិយា ក្រសួងមហាផ្ទៃ និង ឡុង មេសាក្លឹប CICI ។
-ចំបាប់សម័យទម្ងន់ ៥៥ គីឡូក្រាមនារីចំណាត់ថ្នាក់លេខ ១ កីឡាការិនីឌន ស្រីម៉ៅ ,លេខ ២ កីឡាការិនី និ សំណាង ពួកគេទាំង ២ មកពីក្លឹបក្រសួងមហាផ្ទៃជាមួយគ្នា និង ចំណាត់ថ្នាក់លេខ ៣ កីឡាការិនី សម ថារ័ត្នមកពីក្លឹប CICI ។
-ចំបាប់សម័យទម្ងន់សេរីនារី លេខ១កីឡាការិនី ចូវ សុធារ៉ា, លេខ ២ កីឡាការិនីជ័យ ចាន់រស្មី ,ចំណាត់ថ្នាក់លេខ ៣ ស្ទួនគឺកីឡាការិនីនិ សំណាង និង ឌនស្រីម៉ៅដែលមកពីក្លឹបក្រសួងមហាផ្ទៃដូចគ្នា ។
-ចំបាប់ក្រិចកូរ៉ូម៉ាំងដែលមានតែបុរស សម្រាប់ប្រភេទទម្ងន់ ៥៥ គីឡូក្រាម ចំណាត់ថ្នាក់លេខ ១ បានទៅកីឡាករនុត សុផល ,លេខ ២ ជឹម កែវ, និង លេខ ៣ យឹង សុផាន់ណារ៉ា និងអ៊ឹង សុវណ្ណារាជ ដែលមកពីក្លឹបក្រសួងមហាផ្ទៃទាំងអស់ ។
-ប្រភេទ ចំបាប់ក្រិចរ៉ូម៉ាំងទម្ងន់សេរីបុរសលេខ ១ កីឡាករឌន សៅ ,លេខ ២ ងួន គឹមហេង ,លេខ ៣ ស្ទួនងួន មករា និងឆាំង ពិសិន ពួកគេសុទ្ធតែមកពីក្រសួងមហាផ្ទៃ ។
-ចំបាប់បូរាណទម្ងន់ ៤៨ គីឡូក្រាមលេខ ១ កីឡាករសុខ សួសក្លឹបម៉ឺនឯក, លេខ ២ប៉ែន សុភាពក្លឹបឬទ្ធិសែន ,លេខ ៣ ស្ទួនច្រឹប រ៉នក្លឹបយាយព្រីងមានរិទ្ធិ និង ភឹម ភារ៉ូតក្លឹបបារមីម៉ឺនឯក ។
ចំបាប់បូរាណទម្ងន់ ៥៥ គីឡូក្រាមបុរស លេខ ១ កីឡាករសែម សុងក្លឹបបារមីម៉ឺនឯក, លេខ ២សេង គឹមស្រៀងក្លឹបឬទ្ធិសែនមានរិទ្ធិ ,និងលេខ ៣ ស្ទួននឹម សៅក្លឹបយាយព្រីងមានរិទ្ធ និង ធិន ធីមក្លឹបបារមីម៉ឺនឯក ។
ចំបាប់បូរាណទម្ងន់ ៥៩ គីឡូក្រាមបុរសលេខ ១ កីឡាករសុវណ្ណ សីហាក្លឹបដំបងដែកគីរីសុវណ្ណវ័ន្ដ, លេខ ២ អាន ធីក្លឹបសាមគ្គីមានជ័យ លេខ ៣ ស្ទួនហៀង ភក្ត្រា និង ហ៊ុង បូរីក្លឹបបារមីម៉ឺនឯកជាមួយគ្នា ។
-ចំបាប់បូរាណទម្ងន់ ៦៣ គីឡូក្រាមបុរស លេខ ១ កីឡាករផាន ភ័ក្ត្រក្លឹបបារមីម៉ឺនឯក, លេខ ២ ឡុង អ៊ុកក្លឹបCICI លេខ ៣ ស្ទួនអាន ខ្នាក្លឹបសាមគ្គីមានជ័យ និង ឃាង ឆាយលៀងក្លឹបឬទ្ធិសែន ។
-ចំបាប់បូរាណទម្ងន់ ៦៦ គីឡូក្រាមបុរស លេខ ១ កីឡាករយឹម តារា ក្លឹបបារមីម៉ឺនឯក, លេខ ២ទ្រី ប៊ុនធឿនក្រសួងមហាផ្ទៃ ,លេខ ៣ ស្ទួនមាស សំបូរក្លឹបដំបងដែកគីរីសុវណ្ណវ័ន្ដ និងនាង ចាន់ធាក្លឹបឬទ្ធិសែន ។
-ចំបាប់បូរាណទម្ងន់សេរីបុរសលេខ ១ កីឡាករចាប លឿន មហាផ្ទៃ ,លេខ ២ ហេង ធីក្លឹបសាមគ្គមានជ័យ, លេខ ៣ ស្ទួនពេជ្រ គឹមហ៊ីក្លឹបយាយព្រីងមានរិទ្ធិ និង អាន ចន្ថាក្លឹបសាមគ្គីមានជ័យ ។
-ចំបាប់បូរាណនារីទម្ងន់ ៥០ គីឡូក្រាមលេខ ១ កីឡាការិនីបូ សុភាក្លឹប CICI, លេខ ២ឈាង ចរិយាក្រសួងមហាផ្ទៃ លេខ ៣ ស្ទួនហេង បូរីអង្គការភាពញញឹមនៃកុមារ និង ប៉ុន គឹមឈាងក្លឹបដំបងដែកគីរីសុវណ្ណវ័ន្ដ ។
គួរបញ្ជាក់ថា នេះជាព្រឹត្តិការណ៍ប្រកួតប្រចាំឆ្នាំរបស់ក្រសួងអប់រំយុវជន និង កីឡាដែលចាត់ចែងដោយនាយកដ្ឋានអប់រំកាយ និង កីឡា ។ សម្រាប់ការប្រកួតក្នុងព្រឹត្តការណ៏នេះ លោកខេស៊ី បាណែត អនុប្រធាសហព័ន្ធចំបាប់បានឧបត្ថម្ភថវិកាដល់ក្លឹបដែលចូលរួម ទាំងអស់គ្រប់ៗក្លឹបជាមួយគ្នា នេះសម្រាប់កីឡាករ-កីឡាការិនីក្រសួងមហាផ្ទៃលោកឧបនាយករដ្ឋមន្ត្រីស ខេង បានឧបត្ថម្ភក្នុងម្នាក់ៗ ៦០០០០ រៀលព្រមទាំងសំលៀកបំពាក់ និងភេសជ្ជៈផងដែរ ។
សម្រាប់លទ្ធិផលនៃការប្រកួតគឺក្រុមកីឡាមកពីក្លឹបក្រសួងមហាផ្ទៃទទួលបានមេដាយស្ទើរគ្រប់ៗគ្នា។ ក្លឹប-សមាគមចូលរួមទាំងអស់មានចំនួន ៨ដែលមានកីឡាករ-កីឡាការិនីសរុមចំនួន១៧៧នាក់ ដែលក្នុងនោះកីឡាករ១៦២ នាក់ និង កីឡាការិនី១៥នាក់ចូលរួមប្រកួត ។ ក្លឹប-សមាគមទាំង៨នោះគឺក្លឹបក្រសួងមហាផ្ទៃ ,ក្លឹបដំបងដែកសុវណ្ណវ័ន្ដ, ក្លឹបបារមីម៉ឺនឯក ,ក្លឹបសាមគ្គីមានជ័យ ,ក្លឹបឬទ្ធិសែន, ក្លឹបអង្គការភាពញញឹមនៃកុមារ, ក្លឹបCICI , ក្លឹប យាយព្រីងមានឬទ្ធិ ។ សុខ លក្ខណ៏
ចែករំលែកព័តមាននេះ