រាជធានីភ្នំពេញ ៖ រថយន្តឡិចស៊ីសប្រភេទ RX300 ពណ៌ខ្មៅ ជិះគ្នា២នាក់ ខណៈបត់ឆ្វេងចូលវីអាយភីស្ពតក្លឹប បណ្តាលឱ្យបុកម៉ូតូសេ១១០ ស៊េរី២០១២ ពណ៌ខ្មៅ ជិះគ្នា២នាក់ ស្រីម្នាក់ ប្រុសម្នាក់ ហើយអ្នកបើកម៉ូតូផ្លោងទៅបោកនឹងកញ្ចក់បែកមុត.ក និងមុខហូរឈាមកក្លាក់ ឯស្ត្រីជិះពីក្រោយរបួសស្រាល ចំណែករថយន្តបង្កបើកចូលទៅសម្ងំនៅក្នុងក្លឹប ធ្វើព្រងើយ ។
រាជធានីភ្នំពេញ ៖ រថយន្តឡិចស៊ីសប្រភេទ RX300 ពណ៌ខ្មៅ ជិះគ្នា២នាក់ ខណៈបត់ឆ្វេងចូលវីអាយភីស្ពតក្លឹប បណ្តាលឱ្យបុកម៉ូតូសេ១១០ ស៊េរី២០១២ ពណ៌ខ្មៅ ជិះគ្នា២នាក់ ស្រីម្នាក់ ប្រុសម្នាក់ ហើយអ្នកបើកម៉ូតូផ្លោងទៅបោកនឹងកញ្ចក់បែកមុត.ក និងមុខហូរឈាមកក្លាក់ ឯស្ត្រីជិះពីក្រោយរបួសស្រាល ចំណែករថយន្តបង្កបើកចូលទៅសម្ងំនៅក្នុងក្លឹប ធ្វើព្រងើយ ។
ហេតុការណ៍នេះកើតឡើងកាលពីវេលាម៉ោង៨ និង៤៥នាទីយប់ ថ្ងៃទី១០ មេសា តាមមហាវិថីព្រះនរោត្តម មុខវីអាយភីស្ពតក្លឹប ក្នុងសង្កាត់ទន្លេបាសាក់ ខណ្ឌចំការមន ។ប្រភពព័ត៌មានបានឱ្យដឹងថា រថយន្តឡិចស៊ីុស RX300 បើកបរក្នុងទិសដៅពីត្បូងទៅជើង ចំណែកម៉ូតូសេ១១០ បើកពីជើងទៅត្បូង ក្នុងទិសដៅបញ្ច្រាសទិសគ្នា ខណៈមកដល់ចំណុចខាងលើ រថយន្តបត់ឆ្វេងចូលវីអាយភីស្ពតក្លឹប ឯម៉ូតូចាប់ហ្វ្រាំងមិនទាន់ទៅបុករថយន្តផ្នែកកង់មុខចំហៀងខាងស្តាំ ធ្វើឱ្យអ្នកបើកម៉ូតូផ្លោងទៅបោកនឹងកញ្ចក់រថយន្តស្រាំបែកមុត.ក និងមុខហូរឈាមកក្លាក់ ចំណែកស្ត្រីជិះពីក្រោយរបួសស្រាល និងម៉ូតូខូចខាតមួយកំណាត់ខាងមុខ ។
ក្រោយពេលកើតហេតុ រថយន្តបង្កបានបើកចូលទៅក្នុងក្លឹបបាត់ ទាល់តែសមត្ថចុះទៅជួយអន្តរាគមន៍ ទើបម្ចាស់រថយន្តចេញមកដោះស្រាយបញ្ចប់បញ្ហា ៕
ចែករំលែកព័តមាននេះ