រាជធានីភ្នំពេញ ៖ ទីបំផុតមានតែកីឡាករ ខុន រាជ មកពីក្លឹបកងពលធំអន្ដរាគមន៍ លេខ៣ ខេត្ដព្រះវិហារទេ ដែលមានឱកាស ជួបប្រកួតជាមួយពេជ្រ អារុណ មកពីក្លឹប សំរែករាជសីហ៍បង្ក្រាបគ្រឿងញៀន ដើម្បីយកចំណាត់ថ្នាក់លេខ១នៅវគ្គផ្ដាច់ព្រ័ត្រ ដណ្ដើមខ្សែក្រវាត់ស្រាសាច់ដុំពិសេស។
ពេជ្រ អារុណបានប្រកួតឈ្នះថៃ ប៊ុនហាន មកពីក្លឹបនាគរាជ នៅក្នុងវគ្គប្រកួតពាក់កណ្ដាលផ្ដាច់ព្រ័ត្រនៅលើសង្វៀនស្ថានីយ ទូរទស្សន៍ CTN កាលពីថ្ងៃអាទិត្យទី៣០ ឧសភា កន្លងមកនេះ ។ ចំណែកខុន រាជវិញ បានយកឈ្នះកីឡាករហ៊ឹម សារ៉ាន់ មកពី សមាគមកីឡាប្រដាល់ក្រសួងការពារជាតិ នៅក្នុងទឹកទី៤។ ពេជ្រ អារុណ ប្រកួត៥ទឹក ពេញបានយកឈ្នះលើកីឡាករ ថៃ ប៊ុនហាន ដោយពិន្ទុដាច់តែម្ដង ។ ប៉ុន្ដែ ថៃ ប៊ុនហាន បាននិយាយថា គេបានចាញ់អារុណទាំង ប្រផិតប្រផើយប៉ុណ្ណោះ។ ចំណែកឯខុន រាជ វិញ ក្នុងទឹកទី១ និងទី២ គេបណ្ដោយឱ្យហ៊ឹម សារ៉ាន់ ធ្វើព្យុះធ្វើភ្លៀង តាមដំណើរសិន ។
លុះឈានចូលដល់ទឹកទី៣ និងទឹកទី៤ ទើប គេចាប់ផ្ដើមវាយសំរុកទៅលើសារ៉ាន់តែម្ដង។ សារ៉ាន់បាននិយាយថា គេទទួលស្គាល់នូវថ្វី ប្រយុទ្ធរបស់ខុន រាជ ថា ពិតជាខ្លាំងមែន ។ ជាពិសេសនៅក្នុងទឹកទី៣ ខណៈពេលដែលគេ ត្រូវខុន រាជវាយត្រូវ១កែងចំពីលើចិញ្ចើម ខាងឆ្វេងបណ្ដាលឱ្យមានរបួសបែកចេញ ឈាម និងទាត់២ជើងត្រូវកញ្ចឹង.កនោះបាន ធ្វើឱ្យគេមានអារម្មណ៍ថាកំលាំងរបស់គេ បានចុះខ្សោយយ៉ាងខ្លាំង ។ ប៉ុន្ដែគេខិតខំតស៊ូ យ៉ាងវេទនារហូតឆ្លងផុតទឹកទី៣។
ចូលដល់ទឹកទី៤ ខុន រាជ ចាប់ផ្ដើមទាត់ សង្ខុញយកតែម្ដង មិនតែប៉ុណ្ណោះគេបានរុញ ច្រានសារ៉ាន់ឱ្យដកថយអែបខ្សែរេញរហូត ហើយនៅពេលគេឃើញសារ៉ាន់ទាល់ច្រកគេក៏បានប្រើស្នៀតជង្គង់បុកចូលពោះទឹក ២-៣ជង្គង់បន្ថែមទៀត ធ្វើឱ្យសារ៉ាន់ដួល ខ្ទាតចេញមកក្រៅខ្សែរេញក្រោកលែងរួចតែ ម្ដង ។ ហ៊ឹម សារ៉ាន់ ចាញ់ការប្រកួតលើក នេះគេត្រូវត្រៀមប្រកួតយកលេខ៣ជាមួយ ថៃ ប៊ុនហានជាបន្ដទៀត ។
ចំពោះការប្រកួតវគ្គជំរុះជុំទី២ ជើងឯក គុនខ្មែរ រវាងកីឡាករវ៉ន សាវី មកពីខេត្ដ សៀមរាប និងកីឡាករសំ ពិសិដ្ឋ មកពីខេត្ដ កំពង់ចាមវិញនោះ វ៉ន សាវី បានយកឈ្នះសំ ពិសិដ្ឋវិញដោយពិន្ទុ ។ ក្នុងចំណោមកីឡាករ ៦រូបដែលបានឡើងមកប្រកួតជំរុះជុំទី២នេះ គេបានរកឃើញកីឡាករ២រូបហើយដែល បានឆ្លងផុតពីវគ្គនេះ គឺកាលពីសប្ដាហ៍មុន កីឡាករមាស សុជាតិ មកពីខេត្ដក្រចេះ សប្ដាហ៍នេះគឺកីឡាករវ៉ន សាវី ។ សាវីបាន យកឈ្នះនិងចៅក្រមម្នាក់ទៀតបានផ្ដល់ពិន្ទុឱ្យចំណោមចៅក្រម៥រូប មាន៤រូបបានផ្ដល់ ពិន្ទុឱ្យគេឈ្នះ ពិសិដ្ឋមានតែម្នាក់ប៉ុណ្ណោះ ដែលឱ្យគេចាញ់ ។ ប៉ុន្ដែពិសិដ្ឋចាញ់ការ ប្រកួតលើកនេះមិនទាន់ប្រាកដថាគេត្រូវដើរ ចេញពី CTN រហូតនោះទេ គឺគេត្រូវរង់ចាំ អ៊ុតមើលការប្រកួតសប្ដាហ៍ក្រោយមួយទៀតសិន ។ ក្នុងករណីមានអ្នកចាញ់សន្លប់ទើប គេអាចមានសង្ឃឹមបានឡើងទៅប្រកួតជុំ ទី៣បន្ដទៀតបាន ។
រីឯគូប្រកួតមិត្ដភាពសប្ដាហ៍នេះវិញ មឿត រដ្ឋា មកពីក្លឹបសិង្ហកីឡាបានផ្ដួលទឹម គឹមហុង មកពីក្លឹបសាលវ័ន្ដកីឡាឱ្យសន្លប់ ក្នុងទឹកទី៣ ។ ចាន់ បូរី មកពីក្លឹបខេត្ដកំពង់ ឆ្នាំង ដែលប្រកួតជាលក្ខណៈ សាកលបាន យកឈ្នះយឹម វិចិត្រ មកពីក្លឹបភ្នំពេជ្រកីឡា ដោយពិន្ទុ ៕
ចែករំលែកព័តមាននេះ