ខេត្តតាកែវ ៖ សត្វតុកកែចំនួន៣១គីឡូក្រាមស្មើឱ្យជាង៣០០ក្បាល ដែលបំរុងចុះទូកយកទៅលក់នៅស្រុកយួននោះ ត្រូវកម្លាំងកងរាជអាវុធហត្ថចុះបង្ក្រាបបានកាលពីថ្ងៃទី២១ សីហា ២០១២ វេលាម៉ោង៨ និង១៥នាទីយប់ នៅចំណុចភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់ ។
មន្ត្រីកងរាជអាវុធហត្ថស្រុកគិរីវង់ឱ្យដឹងថា ក្រោយពីទទួលបានព័ត៌មានពីបណ្តាញថា មានឈ្មូញលួចនាំសត្វតុកកែដោយដឹកតាមរថយន្តយកទៅលក់នៅវៀតណាមនោះ លោកក៏បានសុំគោលការណ៍ពីលោកមេបញ្ជាការខេត្ត រួចបានដាក់កម្លាំងចាំពួនស្ទាក់នៅចំណុចខាងលើ ហើយបានជួបពិតប្រាកដមែន នៅពេលដែលឈ្មួញបម្រុង និងលើកទំនិញចុះពីលើរថយន្តដាក់ទៅក្នុងទូក ត្រូវកម្លាំងប៉េអឹមបង្ក្រាបបានតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ