ខេត្តបាត់ដំបង ៖ មន្ត្រីនគរបាលព្រហ្មទណ្ឌកម្រិតធ្ងន់ម្នាក់ត្រូវអ្នករត់តាក់ស៊ីដែលស្រវឹងជោកចុះទះកំផ្លៀងកាលពីវេលាម៉ោង១០និង២០នាទីយប់ថ្ងៃទី២៤ កក្កដា នៅចំណុចចុងស្ពានថ្ម ត្រើយខាងកើត (ស្ពានដែកចាស់) ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ដោយខឹងមន្ត្រីនគរបាលរូបនោះបត់ម៉ូតូពីមុខឡានខ្លួន ប៉ុន្តែបុរសព្រហើននោះក៏ត្រូវសមត្ថកិច្ចឃាត់ខ្លួនភ្លាមៗដែរ បញ្ជូនទៅកាន់ស្នងការដ្ឋាននគរបាលខេត្ត ។
អ្នករត់តាក់ស៊ីថ្លើមធំហ៊ានទះកំផ្លៀងមន្ត្រីនគរបាលនោះឈ្មោះណាក់ ហុងគ្រី អាយុ៣១ឆ្នាំ នៅភូមិរំចេក៤ សង្កាត់រតនៈ ក្រុងបាត់ដំបង ជិះរថយន្តម៉ាកកាមរីឆ្លាម ពណ៌ស្លែ ។ រីឯជនរងគ្រោះដែលត្រូវគេទះកំផ្លៀងឈ្មោះឈឿត ជាមន្ត្រីនគរបាលការិយាល័យព្រហ្មទណ្ឌកម្រិតធ្ងន់ ជិះម៉ូតូអង្គភាពស្លាកលេខនគរបាល ។ មន្ត្រីរូបនេះត្រូវបុរសរត់តាក់ស៊ីចុះពីរថយន្តទះកំផ្លៀងក្នុងគ្រាដែលគាត់ឈប់ម៉ូតូចាក់សាំង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ