១-ហៃកូនចៅប្រុសស្រី          ឃើញរស្មីមានអំណរ
ត្រូវតាំងចិត្តស្មោះសរ            កុំលំអលើប្រឹថពី។

២-ជីវិតមានតម្លៃ                សូមចរណៃកុំខ្ជាខ្ជី
រៀនសូត្រគ្រប់នាទី            ត្រាប់សំភីច្បាប់បុរាណ។

៣-បើល្អចូរជ្រើសយក            មាសពន្លករឹតថ្កើងថ្កាន
ច្បាប់ថ្មីណាកល្យាណ            ប្រើបា្រស់បានសមប្រកប។

៤-ដឹងគុណដល់ពុកម៉ែ            ពុំភ្លេចស្រែដើមប៉ខ្លប
ជញ្ជាំងមានរណប                 ចេះបែងស្របស្គាល់ខុសត្រូវ។

៥-ម៉ែពុកចាត់ជាព្រះ            នៅក្នុងផ្ទះកុំរង៉ូវ
រអ៊ូពាក្យអាស្រូវ                គាត់សក់ស្កូវកុំមាក់ងាយ។

៦-បីបាច់កូនធំធាត់            ជៀសដៀលគាត់ចិត្តរាយមាយ
ចាស់ក្រោធជាទំនាយ            វេចសំពាយខុសបំណង។

៧-ពិបាកជួយកូនគ្រប់            ទោះព្រលប់ជូនបុត្រឆ្លង
រៀនសូត្រមានបានផង            ចាស់កោងខ្នងកុំសើយគូថ។

បណ្តៅ៖ហាទៅបួស     ហាលោកតើយ។

ដោយ   វ៉ា    ប៊ុណ្ណនី-  អ្នកនិពន្ធឆ្លងដែន
កាល់ហ្គារីខេត្តអាល់បើតា   -កាណាដា  bunnyvar09@yahoo.ca