រាជធានីភ្នំពេញ ៖ ការប្រកួតកីឡាជ្រើសរើសជើងឯកទូទាំងប្រទេស ក្របខណ្ឌនិស្សិតឧត្តមសិក្សា និងមធ្យមសិក្សាបច្ចេកទេស សម្រាប់ឆ្នាំសិក្សា២០១១-២០១២ នឹងចាប់ផ្តើមតាមការគ្រោងទុកពីថ្ងៃទី១៩ មិថុនា ដល់ថ្ងៃទី៣ កក្កដា ខាងមុខនេះ នៅរាជធានីភ្នំពេញ ។
យោងតាមសេចក្តីជូនដំណឹងរបស់នាយកដ្ឋានអប់រំកាយ និងកីឡាសិស្ស-និស្សិត ដែលអនុវត្តទៅតាមលិខិតលេខ៣០៨៣ អយក -អកសន ចុះថ្ងៃទី២ កញ្ញា ២០១១ ស្តីពីកម្មវិធីប្រកួតកីឡាសិស្ស-និស្សិត ជ្រើសរើសជើងឯកទូទាំងប្រទេស សម្រាប់ឆ្នាំសិក្សា២០១១-២០១២ និងសេចក្តីណែនាំលេខ២៧ អយក-សណន ចុះថ្ងៃទី២៧ ធ្នូ ២០១១ ស្តីពីការអនុវត្ត កីឡាក្នុងជួរសិស្ស-និស្សិត នាយកដ្ឋានអប់រំកាយនិងកីឡាសិស្ស-និស្សិត បានជម្រាបជូនដំណឹងដល់គ្រឹះស្ថានឧត្តមសិក្សា មធ្យមសិក្សាបចេ្ចក ទេស និងសាធារណជន ដែលស្នេហាវិស័យកីឡាចូលរួមចុះឈ្មោះ ដាក់ពាក្យប្រកួតឱ្យបានរួសរាន់ឡើង ។
លោក ដួង មាសចំរើន ប្រធាននាយកដ្ឋានអប់រំកាយនិងកីឡា សិស្ស-និស្សិត បានឱ្យដឹងថា ការទទួលពាក្យចាប់ផ្តើមពីថ្ងៃជូនដំណឹងដែលធ្វើឡើងតាំងពីថ្ងៃទី៤ ឧសភា រហូតដល់ថ្ងៃទី៧ មិថុនា ឆ្នាំ២០១២ ។ ជាមួយនេះ នឹងមានការប្រជុំចាប់ឆ្នោតចែកក្រុមប្រកួតដែលនឹងប្រព្រឹត្តទៅនៅថ្ងៃទី១៤ មិថុនា ឆ្នាំ២០១២ វេលាម៉ោង៩ព្រឹក នៅនាយកដ្ឋានអប់រំកាយនិងកីឡា សិស្ស-និស្សិត នៅពហុកីឡដ្ឋានជាតិ ៕
ចែករំលែកព័តមាននេះ