ខេត្តកំពង់ចាម ៖ បុរសគម្រក់ម្នាក់ឈ្មោះម៉ម តុលី ហៅមេន អាយុ២៦ឆ្នាំ រស់នៅភូមិវ៉ារិន្ទទី២ ឃុំខ្ចៅ ស្រុកកងមាស បានលបលួចឡើងលើផ្ទះឈើជញ្ជាំងបាំងស្លឹកមួយ ស្ថិតក្នុងភូមិវ៉ារិន្ទទី៣ ឃុំជាមួយគ្នា ចាប់ស្ត្រីម្នាក់មានកូន៣នាក់រំលោភសេពសន្ថវៈរហូតបានសម្រេច ខណៈពេលដែលប្តីមិននៅផ្ទះជាប់រវល់ទៅធ្វើបុណ្យសពម្តាយ ។
ហេតុការណ៍នេះបានកើតឡើងកាលពីវេលាម៉ោង១២យប់អធ្រាត្រថ្ងៃទី៦ ឧសភា ២០១២ ហើយរំលងបាន១ថ្ងៃ ជនសង្ស័យរូបនេះត្រូវបានកម្លាំងនគរបាលប៉ុស្តិ៍រដ្ឋបាលខ្ចៅធ្វើការឃាត់ខ្លួនបញ្ជូនទៅកាន់ស្នងការដ្ឋាននគរបាលខេត្ត ។ ស្ត្រីរងគ្រោះឈ្មោះ «វ.ល.ណ» អាយុ២៨ឆ្នាំ បានដេកនៅលើផ្ទះឈើជញ្ជាំងបាំងស្លឹកជាមួយនឹងកូនៗ៣នាក់ នៅក្នុងមុងតែមួយដោយបិទទ្វារត្រឹមត្រូវដូចសព្វដង។ ចំណែកបុរសជាប្តីវិញជាប់ធុរៈទៅជួយធ្វើបុណ្យសពម្តាយបង្កើតនៅឆ្ងាយពីផ្ទះ មិនបានត្រឡប់មកវិញនោះទេ ស្រាប់តែបុរសឥតកេរ្តិ៍ខ្មាសម៉ម តុលី ហៅមេន បានលបចូលបើកមុងចាប់រំលោភនាងយ៉ាងកំរោលតែម្តង រហូតបានសម្រេច ខណៈកូនតូចភ័យញ័រចំប្រប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ