រាជធានីភ្នំពេញ ៖ ពុធ ឆាយរិទ្ធី មកពីក្លឹបពុទ្ធសេរីវង្ស និងឡុង សុភី មកពីក្លឹបសាលវ័ន្តកីឡា រកបាន៣ពិន្ទុម្នាក់បន្ថែមទៀត បន្ទាប់ពីយកឈ្នះគូប្រកួតដោយពិន្ទុរៀងៗខ្លួននៅលើសង្វៀនស្ថានីយទូរទស្សន៍ CTN កាលពីថ្ងៃសៅរ៍ ទី២១ មេសា ក្នុងព្រឹត្តិការណ៍ដណ្តើមខ្សែក្រវាត់ជើងឯង១០លានរៀល ទម្ងន់៦៥គីឡូក្រាម ។
ឡុង សុភី យកឈ្នះជាម អាដាំ មកពីក្លឹបឃ្លាំងមឿងកីឡា បានដោយពិន្ទុ រីឯពុធ ឆាយរិទ្ធី វិញ ក៏បានយកឈ្នះនន់ ជំនិត បានដោយពិន្ទុដូចគ្នា ។ សុភី និងអាដាំ ប្រកួតបាន៣លើកម្នាក់ដូចគ្នា ប៉ុន្តែសុភី អត់ដែលស្គាល់ចាញ់ម្តងណាឡើយ ពេលនេះពិន្ទុរបស់គេកើនបាន៩ពិន្ទុរួចទៅហើយ។ ម៉្យាងវិញទៀតពេលនេះក៏លែងបារម្ភពីរឿងហាលខោទៀតដែរ ។ មានតែអាដាំប៉ុណ្ណោះប្រកួតទាំង៣លើករបស់គេចាញ់រហូត ទើបតែរកបាន៣ពិន្ទុប៉ុណ្ណោះ ពេលនេះគេមានតែផ្លូវហាលខោប៉ុណ្ណោះ ។ចំណែកឯពុធ ឆាយរិទ្ធី និងនន់ ជំនិត វិញនោះប្រកួតបាន៣លើកដូចគ្នា ប៉ុន្តែពុធ ឆាយរិទ្ធីអត់ទាន់ស្គាល់ចាញ់មាន៩ពិន្ទុ រីឯនន់ ជំនិត ការប្រកួតទាំង៣លើករបស់គេចាញ់មួយលើក នៅសល់តែ៧ពិន្ទុប៉ុណ្ណោះ ។ ជំនិត នាពេលនេះក្នុងពូល Aក៏មិនសូវជាមានសង្ឃឹមថាគេចផុតពីវគ្គជម្រុះនេះណាស់ ។
គូប្រកួតមិត្តភាពវិញ វៀត ប៊ុនធឿន មកពីក្លឹបក្រសួងការពារជាតិ ប្រកួតឈ្នះសុខ ចិន្តា មកពីក្លឹបឃ្លាំងមឿនកីឡា បានដោយពិន្ទុ ។ សល់ ប៊ុន អឹម មកពីក្លឹបអាស៊ីកីឡា ប្រកួតឈ្នះធី តុងហុី មកពីក្លឹបសាលវ័ន្ត បានដោយពិន្ទុទាំងលំបាកបំផុត ៕
ចែករំលែកព័តមាននេះ