ខេត្តបាត់ដំបង ៖ កម្លាំងនគរបាលប្រឆាំងគ្រឿងញឿនបានឃាត់ខ្លួនក្រុមអ្នកចែកចាយ គ្រឿងញឿនចំនួន៣នាក់ ក្នុងនោះមានស្ត្រីម្នាក់ផង កាលពីវេលាម៉ោង១១ថ្ងៃត្រង់ថ្ងៃទី២៩ កុម្ភៈ ខណៈដែលពួកគេកំពុងប្រព្រឹត្តបទល្មើសជាក់ស្ដែងនៅក្នុងភូមិ១៣មករា សង្កាត់ព្រែកព្រះស្ដេច ក្រុងបាត់ដំបង។
ខេត្តបាត់ដំបង ៖ កម្លាំងនគរបាលប្រឆាំងគ្រឿងញឿនបានឃាត់ខ្លួនក្រុមអ្នកចែកចាយគ្រឿងញឿនចំនួន៣នាក់ ក្នុងនោះមានស្ត្រីម្នាក់ផង កាលពីវេលាម៉ោង១១ថ្ងៃត្រង់ថ្ងៃទី២៩ កុម្ភៈ ខណៈដែលពួកគេកំពុងប្រព្រឹត្តបទល្មើសជាក់ស្ដែងនៅក្នុងភូមិ១៣មករា សង្កាត់ព្រែកព្រះស្ដេច ក្រុងបាត់ដំបង។
មន្រ្តីនគរបាលប្រឆាំងគ្រឿងញឿនបានឲ្យដឹងថា ជនសង្ស័យទាំង៣នាក់ដែលត្រូវបានឃាត់ខ្លួននោះ១-ឈ្មោះស្រីនាង ណន ភេទស្រី អាយុ២២ឆ្នាំ ២-ឈ្មោះជុន សាំងហ៊ី អាយុ១៩ឆ្នាំ ទាំងពីរនាក់នេះនៅភូមិ១៣មករា និង៣-ឈ្មោះសុខ សារ័ត្ន ភេទប្រុស អាយុ២២ឆ្នាំ នៅភូមិវត្តមឹម ឃុំអូរដំបង១ ស្រុកសង្កែ។ បន្ទាប់ពីឃាត់ខ្លួនសមត្ថកិច្ចជំនាញបានរកឃើញថ្នាំញឿនមេតំហ្វេតាមីនប្រភេទ «ទឹកកក» ចំនួន៣កញ្ចប់តូច ដែលក្រុមនេះកំពុងធ្វើសកម្មភាពចែកចាយបន្តទៅឲ្យអ្នកប្រើប្រាស់។ ក្នុងកំណត់ហេតុសួរចម្លើយឈ្មោះជុន សាំងហ៊ី បាននិយាយថា ថ្នាំនោះខ្លួនទទួលយកមកពីឈ្មោះស្រីនាង ណន ដើម្បីលក់បន្តឲ្យ និងសម្រាប់ប្រើប្រាស់ខ្លួនឯង។ ប៉ុន្តែឈ្មោះស្រីនាង ណន បានឆ្លើយបដិសេធចំពោះការចោទប្រកាន់នេះ។ ស្រ្តីដែលបម្រើការក្នុងហាងខារ៉ាអូខេរូបនេះបានប្រាប់សមត្ថកិច្ចថា នាងមិនពាក់ព័ន្ធនឹងថ្នាំញឿននោះទេ តែនាងសារភាពថា បានផ្ដល់ទីតាំងសម្រាប់អ្នកប្រើប្រាស់ក្នុងផ្ទះជួលរបស់នាងស្នាក់នៅក្នុងភូមិ១៣មករា សង្កាត់ព្រែកព្រះស្ដេច។ ជាមួយគ្នានេះឈ្មោះជុន សាំងហ៊ី បានបញ្ជាក់ដែរថា ខ្លួនទើបប្រកបរបរនេះប្រហែល១ខែប៉ុណ្ណោះ តែបានប្រើប្រាស់ជិត៣ឆ្នាំកន្លងមកហើយតាំងពីខ្លួននៅសិក្សាម៉្លេះ។
លោកចៅ សុវង្ស ប្រធានការិយាល័យប្រឆាំងគ្រឿងញៀនបានមានប្រសាសន៍ថា ក្រោយពីការស្រាវជ្រាវឃើញថា ក្រុមនេះមានមេខ្លោង២នាក់ទៀត ប៉ុន្តែរត់គេចខ្លួនបាត់ទៅហើយ ៕
ចែករំលែកព័តមាននេះ