បាល់ទាត់ Metfon C-League ក្រុមវត្ដភ្នំបំបាក់ក្រុមក្រសួងការពារជាតិ១-០
ដោយ ៖ឈិត គឹមឆុន
ថ្ងៃសុក្រ ទី១១ ខែមិថុនា ឆ្នាំ២០១០ ម៉ោង ១១:០១
កោះសន្តិភាព
ការចាប់ដៃគ្នាមុនប្រកួតរវាងក្រុមវត្ដភ្នំជាមួយក្រុមក្រសួងការពារជាតិ
រាជធានីភ្នំពេញ ៖ ការប្រកួតបាល់ទាត់ ពានរង្វាន់ Metfon C-League ២០១០ ជុំទី ២ បានចាប់ដំណើរការប្រកួតកាលពីថ្ងៃពុធ ទី៩ មិថុនា តទៅហើយ នៅទីលានពហុកីឡដ្ឋានជាតិ ។ ក្រុមវត្ដភ្នំដែលជាក្រុមស្ថិតនៅ លេខរៀងបាតតារាង បានធ្វើឱ្យក្រុមម្ចាស់ ពានរង្វាន់ជើងឯក ២០០៩ ចាញ់ឡើងស្ពឹក មុខក្នុងលទ្ធផល១-០ ។ ពេលនេះក្រុមវត្ដភ្នំ ធ្វើការកែប្រែប្រវត្ដិសាស្ដ្ររបស់ខ្លួនបាន ហើយ ព្រោះថា ក្រុមក្រសួងការពារជាតិ ជា ក្រុមមួយដែលមិនងាយនឹងយកឈ្នះបាន ឡើយ។ លើកនេះ ក្រុមវត្ដភ្នំអាចយកឈ្នះ បាន គឺពិតជាមិនធម្មតានោះទេ ។
គេនៅចាំបានយ៉ាងច្បាស់ថា កាលពី ប្រកួតនៅជុំទី១ ក្រុមក្រសួងការពារជាតិបាន យកឈ្នះក្រុមវត្ដភ្នំ៥-០ឯណោះ។ ប៉ុន្ដែឈាន ចូលដល់ជុំទី២នេះ ក្រុមវត្ដភ្នំ ពិតជាមានការ ផ្លាស់ប្ដូរលឿនខ្លាំងណាស់ ខណៈដែលកីឡា កររី ភារើន ពាក់អាវលេខ៩ ខ្សែប្រយុទ្ធរបស់ ក្រុមវត្ដភ្នំ ទាត់បាល់បញ្ចូលទីក្រុមក្រសួងការ ពារជាតិ បានសំរេចនៅនាទីទី១៨ ធ្វើឱ្យ ក្រុមរបស់គេប្រែមុខមាត់ថ្មីបែបនេះ ។ តាម ពិតនៅក្នុងការជួបគ្នារវាងក្រុមទាំង២លើក នេះ ទោះបីអាកាសធាតុមិនអំណោយផល បន្ដិចមែន តែមិនបានធ្វើឱ្យមានការរំខានដល់ ការប្រកួតនោះទេ ពីព្រោះមានភ្លៀងរលឹម តិចៗប៉ុណ្ណោះ ។
ក្រុមវត្ដភ្នំ នៅតង់ទី១ បាន លេងសង្កត់ក្រុមក្រសួងការពារជាតិជាប់ ។ ចំណែកក្រុមក្រសួងការពារជាតិ លេងហាក់បី ដូចជាមិនស៊ីសង្វាក់គ្នាទាល់តែសោះ ជាហេតុ ធ្វើឱ្យក្រុមវត្ដភ្នំមានឱកាសស៊ុតបាល់បញ្ចូលទី បាន១គ្រាប់នាំមុខមុន ។ លុះចូលដល់តង់ ទី២ ក្រុមក្រសួងការពារជាតិ បានលេងវាយ បកវិញយ៉ាងខ្លាំងក្លាបំផុត ដោយបានសង្កត់ ក្រុមវត្ដភ្នំជាប់តែម្ដង និងមានឱកាសស៊ុត បាល់បញ្ចូលទីខាងក្រុមវត្ដភ្នំជាញឹកញាប់ ទៀតផង ។ ប៉ុន្ដែរាល់លើកគ្រាប់បាល់ដែល ទាត់ចេញទៅ គឺសុទ្ធតែរត់ខុសបង្គោលទី រហូត ។
នៅពេលម៉ោងប្រកួតកាន់តែខើច ទៅ ក្រុមក្រសួងការពារជាតិ កាន់តែលេង សំរុក ប៉ុន្ដែទីបំផុតនៅតែមិនអាចបំបែកលទ្ធ ផលពងមាន់របស់ខ្លួនបានឡើយ ។ ដូច្នេះចប់ ការប្រកួត ក្រុមវត្ដភ្នំ ឈ្នះ ក្រុមក្រសួងការ ពារជាតិក្នុងលទ្ធផល១-០ ។
គួរបញ្ជាក់ផងដែរថា ក្រុមវត្ដភ្នំពេលនេះ គ្រប់គ្រងដោយលោកវរសេនីយ៍ចាយ ស៊ីជឿន អតីតប្រធានក្លឹបបាល់ទាត់ក្រុមកង ទ័ពជើងទឹក ប៉ុន្ដែពេលនេះបានប្ដូរមកក្រុមវត្ដ ភ្នំវិញ ។ គួររំលឹកថា ក្រុមក្រសួងការពារជាតិ ពីមុនមកឱ្យតែជួបក្រុមកងទ័ពជើងទឹក គឺ វេទនារហូត។
លោកចាយ ស៊ីជឿន បានប្រាប់ ទៀតថា លោកបានមកគ្រប់គ្រងក្រុមវត្ដភ្នំ នេះ រយៈពេលជិត២ខែមកហើយ ចំណែកឯ ការរៀបចំប្រព័ន្ធនៃការលេងគឺមិនខុសពី ប្រព័ន្ធលេងរបស់ក្រុមកងទ័ពជើងទឹកពីមុន មកឡើយ៕
