រាជធានីភ្នំពេញ ៖ ជនសង្ស័យប្រុសស្រីពីរនាក់ ត្រូវសមត្ថកិច្ចឃាត់ខ្លួន ក្រោយពីមានករណីវាយសម្លា.ប់យុវជនម្នាក់យកសពមកប្លុងចោលក្នុងដីឡូត៍មួយកន្លែងទល់មុខហាងលក់នំប៉័ង ភ្នំពេញ
រាជធានីភ្នំពេញ ៖ ជនសង្ស័យប្រុសស្រីពីរនាក់ ត្រូវសមត្ថកិច្ចឃាត់ខ្លួន ក្រោយពីមានករណីវាយសម្លាប់យុវជនម្នាក់យកសពមកប្លុងចោលក្នុងដីឡូត៍មួយកន្លែងទល់មុខហាងលក់នំប៉័ង ភ្នំពេញ ស្ថិតនៅតាមបណ្ដោយផ្លូវជាតិ៦A ក្នុងសង្កាត់ជ្រោយចង្វារ ខណ្ឌជ្រោយចង្វារ កាលពីវេលាម៉ោង៣ និង១០នាទីទៀបភ្លឺ ថ្ងៃទី០៤ ឆ្នូ ២០១៥ ។
នៅកន្លែងហេតុសមត្ថកិច្ច បានឱ្យដឹងថា ករណីវាយសម្លាប់ខាងលើនេះ ដំបូង ពេលសមត្ថកិច្ចកំពុងតែជិះម៉ូតូល្បាតតាមមូលដ្ថានរបស់ខ្លួន មកដល់មុខហាងនំប៉័ង ភ្នំពេញ ក៏បានឃើញនារីម្នាក់ឈរ ដែលមើលទៅគួរឱ្យសង្ស័យ ពេលនោះសមត្ថកិច្ចក៏ឈប់ម៉ូតូ ហើយសួរនាំនារីនោះថា មកធ្វើអ្វីនៅទីនេះ កន្លែងនេះស្ងាត់ណាស់ ភ្លាមនោះស្រាប់តែមានបុរសម្នាក់ទៀតដើរចេញមកពីព្រៃដីឡូត៍មួយកន្លែងដោយខ្លួនគេប្រឡាក់សុទ្ធតែឈាម ឃើញបែបនេះសមត្ថកិច្ចមានការសង្ស័យក៏ឃាត់ប្រុសស្រីពីរនាក់នេះយកទៅសួរនាំ។
នៅចំពោះមុខសមត្ថកិច្ច នារីសង្ស័យនោះ ឆ្លើយប្រាប់សមត្ថកិច្ចថា នាងត្រូវគេចាប់រំលោបនៅក្នុងដីឡូត៍នោះ តែដោយមានបុរសម្នាក់ឃើញហេតុការណ៍នេះក៏ជួយនាងទាន់ ។ សមត្ថកិច្ចបានបន្ដទៀតថា ដោយមិនដឹងរឿងច្បាស់ សមត្ថកិច្ចក៏ជិះម៉ូតូចូលទៅក្នុងដីឡូត៍នោះបានប្រទះឃើញម៉ូតូមួយគ្រឿងមួយម៉ាកហុងដាឌ្រឹមសេ១២៥ ពណ៌ខ្មៅ ស៊េរី២០១៥ ពាក់ស្លាកលេខ ព្រៃវែង 1G-4092 រួមទាំងសាកសពបុរសម្នាក់ដេកស្លាប់នៅក្នុងថ្លុកឈាមបាត់ទៅហើយ ។
ទោះជាយ៉ាងសមត្ថកិច្ចបានឃាត់ខ្លួនជនសង្ស័យប្រុសស្រីទាំងពីរនោះភ្លាមៗ យកមកសួរនាំនៅប៉ុស្តិ៍នគរបាលជ្រោយចង្វារ ឱ្យដឹងកាន់តែច្បាស់ ព្រោះថា ករណីនេះអាចជារឿង ឃាតកម្មរៀបទុកជាមុនរបស់ជនល្មើស ។
ចំពោះសពជនរងគ្រោះ ត្រូវបានសមត្ថកិច្ចលួចបង្ហើបថា ត្រូវជនសង្ស័យវាយនឹងដំបងបណ្ដាលឱ្យបែកក្បាលស្លាប់ ហើយជនសង្ស័យនោះ ក៏អូសយកសពមកទម្លាក់ចោលនៅក្នុងព្រៃដីឡូត៍ខាងលើតែម្តង ៕
ចែករំលែកព័តមាននេះ