ខេត្តបាត់ដំបង ៖ សេចក្តីរាយការណ៍បានឱ្យដឹងថា នៅវេលាព្រឹកថ្ងៃទី១៦ វិច្ឆិកា ២០១៥ នេះ ប្រជាពលរដ្ឋចំនួន១០០នាក់ តំណាងឱ្យជាង៣០០គ្រួសារ ក្នុងនោះមកពីឃុំស្តុកប្រវឹង និងឃុំព្រៃត្រឡាច នាំគ្នាប្រមូលផ្តុំ និងមានកាន់បដាស្រែកតវ៉ានៅមុខសាលាស្រុករុក្ខគិរី ពាក់ព័ន្ធរឿងដីអភិរក្សរបស់សហគមន៍ ។
ខេត្តបាត់ដំបង ៖ សេចក្តីរាយការណ៍បានឱ្យដឹងថា នៅវេលាព្រឹកថ្ងៃទី១៦ វិច្ឆិកា ២០១៥ នេះ ប្រជាពលរដ្ឋចំនួន១០០នាក់ តំណាងឱ្យជាង៣០០គ្រួសារ ក្នុងនោះមកពីឃុំស្តុកប្រវឹង និងឃុំព្រៃត្រឡាច នាំគ្នាប្រមូលផ្តុំ និងមានកាន់បដាស្រែកតវ៉ានៅមុខសាលាស្រុករុក្ខគិរី ពាក់ព័ន្ធរឿងដីអភិរក្សរបស់សហគមន៍ ។
ប្រភពបានឱ្យដឹងថា ការតវ៉ានេះ គឺទាមទារឱ្យអាជ្ញាធរ ត្រូវតែបែកចែកដីអភិរក្សរបស់សហគមន៍នៅសេសសល់ ទៅឱ្យប្រជាពលរដ្ឋដែលក្រីក្រ បន្ទាប់ពីត្រូវមន្ត្រីរាជការ និងអ្នកមានអំណាច បានរំលោភយកធ្វើជាកម្មសិទ្ធិរបស់ខ្លួន ។
ប្រភពបន្តថា ដីសហគមន៍ខាងលើ គឺស្ថិតនៅក្នុងស្រុករុក្ខគិរីមានទំហំជិត៤០០០ហិកតា ដែលជាតំបន់អភិរក្ស តែផ្ទុយទៅវិញត្រូវមន្ត្រីមួយចំនួន បានរំលាយកាត់យកទៅលក់ឱ្យអ្នកអំណាចអស់ជាច្រើន ដែលពលរដ្ឋដឹងទៀតថា ដីនោះនៅសល់តែ៥០០ហិកតាទៀតតែប៉ុណ្ណោះ ដូច្នេះទើបពួកគាត់ទាមទារតវ៉ាសុំដីដែលនៅសល់ គឺទុកបែងចែកឱ្យពលរដ្ឋដែលក្រីក្រផង ដែលកន្លងមក ពួកគាត់ខំចូលរួមថែរក្សាដីអភិរក្សសហគមន៍នោះ ។
ទោះបីជាយ៉ាងណា រហូតមកដល់វេលាម៉ោងនេះ គឺនៅមិនទាន់ឃើញមានតំណាងអាជ្ញាធរណាម្នាក់ចេញមកដោះស្រាយនោះឡើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ